Ներածություն
Այսօր աշխարհում ամենապահանջված ծրագրավորման լեզուներց մեկը ջավասկրիպտն է։ Այն ստեղծվել է 1995թ -ին Բրենդան Այկի կողմից եւ առաջին անգամ կիրառվել` Netscape Navigator 2 beta դիտարկիչում։
Ջավասկրիպտը մուլտի-պարադիգմ, թույլ տիպայնացված, դինամիկ, ինտերպրիտացվող, ծրագրավորման լեզու է, որը ի սկզբանե նախատեսված է եղել վեբ կայքերին կենդանություն հաղորդելու համար։ Ջավասկրիպտով ծրագիր գրելու համար բավարար է ունենալ տեքստային խմբագրիչ, օրինակ՝
- Sublime Text: https://www.sublimetext.com
- Atom: https://atom.io
- Brackets: http://brackets.io
- Notepad++: https://notepad-plus-plus.org
եւ վեբ դիտարկիչ (Web Browser), օրինակ՝
Ժամանակակից բոլոր դիտարկիչներում կա ներդրված ջավասկրիպտի ինտերպրիտատոր, որը աշխատեցնում է HTML ֆայլում script տիպի թեգով դրված ջավասկրիպտի կոդը։
Եկեք գրենք մեր առաջին ծրագիրը, որը վեբ դիտարկիչի մոդալ պատուհանով ցույց կտա “Hello World!” հաղորդագրությունը։ Վերոնշյալ տեքստային խմբագրիչնեից մեկի օգնությամբ, աշխատասեղանին (Desktop-ին) ստեղծեք index.html ֆայլ եւ ֆայլի մեջ գրեք հեետեւյալ HTML կոդը՝
Հաղորդագրությունը տեսնելու համար պահպանեք ֆայլի փոփոխությունները եւ բացեք այն վեբ դիտարկիչի օգնությամբ։
alert(“հաղորդագրություն”) -ֆունկցիա է, որը վեբ դիտարկիչի մոդալ պատուհանով ցույց է տալիս հաղորդագրություն, քանի դեռ օգտատերը չի սեղմել “OK” կոճակը։
Որպեսզի ջավասկրիպտով գրված ծրագիրը խառնված չլինի HTML ֆայլի բովանդակության հետ, եկեք ստեղծենք script.js անունով նոր ֆայլ
եւ միացնենք այն index.html -ին որպես արտաքին սկրիպտ։
Արտաքին սկրիպտ կցելու դեպքում, տվյալ script թեգի մեջ այլեւս ծրագիր գրել հնարավոր չէ, այդ պատճառով կշարունակենք գրել մեր ծրագրերը script.js ֆայլում։