दिवाळी
Published in
1 min readNov 5, 2010
माझा प्रथम प्रयत्न. चु.भू. दे.घे
प्रकाशाची झळाळी | आनंदाची रांगोळी |
मनोहर दिवाळी | वर्णू किती ||
दिव्यांची आरास | पणत्यांचा प्रकाश |
मनीचा उल्हास | वर्णू किती ||
लक्ष्मीचे स्तवन | भक्तीने पूजन |
अवस्था उन्मन | वर्णू किती ||
फटाक्यांच्या लहरी | आकाशाच्या अंतरी |
दैदिप्यमान नगरी | वर्णू किती ||
गोड नि तिखट | फराळाचे ताट |
चवींचा थाट | वर्णू किती ||
प्रकाशाचा सण | संस्कृतीचे भूषण |
प्रयत्नांती वर्णन | अशक्य ते ||
Originally published at harshalbhave.in on November 5, 2010.