給各位寫作人的寫作書書單
我幫大家揀咗幾本寫作教學書做折,大家可以詳細睇睇呢個網上書店——超閱網。
而我就喺度先行私心推薦一下自己中意嘅書。
《故事的解剖》
強調不以「經驗」作為故事的主導,而是用「原則」來創作精采的故事。
呢位作者Robert McKee喺美國十分出名,教出咗好多依家成日喺大銀幕上電影嘅編劇,包括 《魔戒》導演Peter Jackson、 《怪獸公司》導演Pete Docter等等。
本書特點在於,佢會話你知一個關於寫一個好故事嘅原理,而唔係寫乜野先好睇。內容比較抽象,用嘅例子都係西方作品,難度頗高,而且作者都幾完美主義,新手完全照跟會走火入魔。
難度: ★ ★ ★ ★ ★
佢近年仲出咗一本《對白的解剖》係呢本嘅補充。
《 故事寫作大師班》
精準、實用的寫作技法,劇本醫生解救你平平無奇的故事。
如果上一本係一個心靈導師,由好深嘅概念上去教去你點寫故事,呢本就係將你故事解體,逐Part逐Part咁同你去診症。
相對地,佢由比較淺嘅概念入手 由弱點/需求、到欲望,乃至對手、計畫、對決、真實自我的揭露、到最後故事達到新的平衡點。佢都鉅細無遺,拎出不同嘅文本段落同你分析。
佢係實用同夠貼地,係一本作為入門寫作可以一睇嘅書。
難度: ★ ★ ★
《寫作課》
讓你能克服寫作心魔,一本教你寫作心態的書。
寫野,唔係事必要人人都要睇你。但無人睇嗰陣,又應該點樣面對自己嘅作品呢?呢本書就好好咁提供咗,一份心理指南,教你如何去克服寫作。
同上兩本唔同,呢本書絕對係可以稱為寫作界嘅心靈雞湯,佢得開頭教你一啲寫作技巧,其他篇幅都係畀你知道每個寫作人都會面對嘅心理課題同業界迷思:「點解無人睇我啲字?」
「需唔需要搵朋友睇我篇文?」
「點接受人地嘅意見?」
「寫文一定要出書?」等等。
呢本書文筆生動,容易入口,作為心靈雞湯一流。
難度: ★ ★
《場景設定創意辭海》
眾多編劇工具書的最後一塊拼圖,故事場景的大字典!
呢本係一本「字典」,三四磅重,成600頁都嚟緊,係一本專講「場景」嘅字典。
入面分為室內外、有差唔多幾百個生活場景任你參考。每個場景之中佢會列明可以有咩可能嘅活動、線索等等,畀你一個聯想嘅機會,激發創意。
我覺我呢本書其實十分之啱推理小說,或者係其他十分著重線索嘅故事。但即使唔係寫推理都好,無乜靈感嗰陣揭一揭,都可以搵得返啲靈感嘅!
難度: ★ ★
同場加映:《非虛構寫作指南》
如果你想找到訣竅,寫出簡潔又有渲染力、說服力的文章,這本書就是你要的。
非虛構寫作(Non-Fiction Writing)係指寫小說故事以外嘅寫作,例如:評論、散文、紀實等等。
以 「人味」與「溫度」為主題,分開「原則」、「方法」、「形式」、「態度」四大部分教你點樣寫一篇感之以情,說之以理嘅好文章。
作為寫作人,無論喺你平時寫報道嘅記者、定寫書本簡介嘅編輯都需要睇吓呢本。
難度: ★ ★ ★ ★
本次推介係咁多,詳細可以去以下Book List再慢慢揀,但我認為我以上講嘅5本,作為寫字佬,一生人一定要睇一次,希望大家都可以去書店打吓書釘望吓喇!
超閱網寫作書書單:
過去嘅主題文章:
【喜歡我們的話,可以拍拍手及分享。或是「Follow」我們,讓我們分享給你更多!如果想我們評論特定書本,歡迎留言!】