理大圍城接近一星期，琴晚有個警員開咪鬧示威者，「你要食冰冰冷冷的生命麵包，我收工上深圳食海底撈同飲冰凍啤酒」，又叫示威者接觸多啲外邊人的想法，唔好只係圍爐，要擴闊自己眼光同睇他人文章，「你會發現，原來你係錯得好緊要」。
當攞食生命麵包，同深圳食海底撈相比，一定係覺得後者比前者高檔好多，有得食威威豬。
警察啲品味，真係好差劣。
（按：有朋友話，「你覺得佢哋上去係為咗食海底撈咩？」衰鬼，Mean 到一個點。）
利個申先，我相信大陸係有好的食物，上年陪人上過去玩幾次。
首先，生命麵包真係好好食。秋天燒烤，冇蜜糖味生命麵包的話，我會覺得人生冇咗意義。燒烤的重點唔係肉，而係食完鹹嘢，再食甜食。麵包的焦香加上面一層蜜糖，真係人間絕品，就算係 A-1 Bakery 啲麵包都唔夠嗰一下咁好食。
唔係只係貴就好食㗎，黑警。平嘢你識得搵嚟食，識得煮嚟食，都可以好味。
第二，我未見過舌頭正常的人，會覺得海底撈好好食。海底撈個賣點，係服務，同埋當你毒撚一個去食，可以搵個大公仔陪你，仲有美甲咁。Don’t get me wrong，我唔係話海底撈好難食，我對食物個 comment 係「okay 啦」，野食過得去，但一定唔係賣點。
即使唔計香港，以深圳美食而言，食海底撈其實真係唔值得攞出嚟講。大陸係有美食，但一定唔係海底撈。食都食八合里海記，呢間牛肉店賣點係新鮮牛肉，誇張到其中一個湯底，係夠膽死用蒸餾水。一粒鹽都唔落，但灼熟完牛肉，嗰一個牛肉湯係盡收精華，好飲到不得了。
深圳最好食，係呢啲囉。
攞食海底撈出嚟串人食生命麵包，就好似呢個比喻咁：「情況就好像謝偉俊串人只可以打飛機，自己有白韻琴屌一樣。」
同埋，攞食海底撈個價，喺香港食好野，其實都有好多選擇。
不過黑警唔會識揀。
Pici、Chef Stage de Eddy Chu、Odelice 啲出品，我都未食完。日本野就更加多，心鉄板燒、Sushi man 個 omakase 同 Sushi Hiro 都唔錯。不過 sushi 都係 lunch 食好啦，晚餐 800 per person 係基本消費，我覺得唔太值。講起又講，好想食天一閣。
用返黑警嗰句回敬返黑警。
唔好只係圍爐，要擴闊自己眼光同睇其他人食乜，然後你會發現，原來你係錯得好緊要。
不過又咁講，就算畀黑警食靚西餐，唔識英文，又點會識點菜？
分享一個小故事。我喺隔離忍笑，忍到出腹肌。
我有個朋友畀警察叫佢 show 記者證，嗰位警員睇完就問，「邊度寫住你係記者？」因為，個記者證上面，冇「記者」兩隻字。因為寫住 Press 。
你哋都係返去共享大灣區榮耀啦。
笑完黑警，我都仲係嗰句。希望理大入面的示威者，平平安安。
嗰日我行去攝記張長枱道別。閒話家常後，只有一句我記得。「一個十年，十個就一百年。」到底係乜嘢政府，先會樂此不疲咁，拉哂一代人？
你要留島不留人？冇問題，我哋會確保，你連島都冇。
