當KINDLE買得到繁體中文版書籍，你可能會選擇喺美國Amazon開Account，但係日本Amazon仲好玩。不妨考慮用YEN買書？
利申，我係日本帳戶，用咗Amazon KINDLE幾年，擁有兩部PaperWhite（2013、2018版），一部FIRE 7，都同好多機主一樣，一開始真係了無頭緒，唔知點樣先可以跨過日本嘅鎖IP機制。而家已經用咗幾年KINDLE主機，真係番唔到轉頭。如果你係因為KINDLE有得睇繁體中文版嘅電子書而想落坑做機主，希望呢篇文幫到你。
我個人主要睇日本漫畫，所以一定會用日本版Amazon，但係如果你係主要睇英文書+中文書，可以Skip咗呢篇文。
★點先可以睇到繁體中文版嘅電子書？
因為首批2萬本繁體書係一次過喺美國同日本上架，所以只要有Amazon帳戶就可以睇到繁體中文版。我個人測試過，中國Amazon本身有其他繁體中文版嘅電子版，所以係另計嘅。
網上有人話舊版主機未必對應繁體版，但我手上嘅2013版同2018嘅PaperWhite都已經自動更新咗繁體對應，大家可以安心。
以下連結係我第一次用KINDLE嘅感想，有興趣可以去睇：
