【國安法】取消獨立關稅區，對香港有咩影響？

最近，就國安法的爭議持續發酵。美國國務卿蓬佩奧在國會發言，將取消香港獨立關稅區地位。雖然將來美國及西方社會的行動，尚未可知，而且獨立關稅區地位係世界貿易組織（WTO)認受的，唔係美國講咗就算。只不過，若果真係取消香港獨立關稅區地位，為香港帶來咩影響呢？係好大呀？定係唔係好大呢？喺資產配置上面，有咩需要留意呢？

好大影響嘅可能性

若美國取消香港獨立關稅區的地位，無論有冇設限期，始終會對香港造成影響。因為香港很多企業依靠轉口生意，例如珠寶業依賴美國市場。若果消息落實，企業將會即時受影響而倒閉，甚至其他業務例如作為轉口港嘅船運業務，相信亦都會大受打擊。而且，中國而家係中美貿易戰嘅情況之下，美國對中國增加關稅及實施高科技封鎖，利用香港進口美國高科技同貨品，有一定嘅作用。如果真係冇咗獨立關稅嘅地位，香港就會同中國一樣，喺稅率同埋政策上睇齊。會失去獨特作用。更令人擔心嘅係，美國嘅政府高層，已經話鼓勵企業從中國同香港撤出，搬返美國，費用由美國政府承擔。短期內，相信會為香港經濟帶來更大的壓力，令香港嘅GDP以及失業率受到負面影響。同埋，失去獨立關稅區地位，亦都對外資投資香港有顧慮，因為就唔再將香港視為同內地唔同嘅地區。

影響亦有可能被高估

不過，話分兩頭，取消獨立關稅區地位雖然有唔少嘅衝擊，但係又未至於災難性。固然，即使為取消香港獨立關稅區設一年限期，但關稅的問題將導致很多中國貨品轉口成本上升。不過，係講美貿易嘅角度來講，香港對美國嘅貿易唔同中國，美國係長期順差，舊年就係賺緊香港三百幾億美金。所以，加關稅其實係對美國嘅影響更大，因為佢買香港嘅嘢貴左，減少貿易順差。而且，根據香港總商會嘅代表指出，其實佢哋好多會員嘅公司都係中國內地，一早已經交緊美國嘅關稅，所以即使香港嘅情況同美國一樣，暫時影響唔算話十分大。而且，就係之前仲未貿易戰嘅時候，已經有好多商人察覺到中美之間嘅政策風險，已經將廠房從內地搬去東南亞地區，例如越南、柬埔寨，以避開潛在嘅政策風險。另外，美國嘅企業係咪真係會聽美國政府講，撤出中國同香港，咁佢哋就唔可以去呢啲地方賺錢。有幾多美國公司真係會聽政府講，都係一個疑問。

除非美國啟動「核選項」，宣布中斷聯繫匯率，唔再向金管局提供美金，或者取消匯款swift code 限制，令香港嘅資金轉唔出，好似制裁伊朗一樣。不過咁做，其實都係七傷拳，先傷已後傷人，因為佢自己香港都有好多錢，同埋會影響美元喺世界貨幣嘅地位。相信呢個嘅風險比較低，係呢啲時候，美國經濟環境唔好，應該唔會想傷害自己的利益，「攬炒」，所以縱然有大選嘅考慮，影響應該唔會係永久性。

不過，相信匯率係更加重大嘅風險。美國放風呢件事一出，港匯即時受壓，連帶人民幣一同貶值，已經逼近7.75嘅「強方兌換保證水平」，金管局就要出招接貨，沽美金，買港幣，穩定港元匯率。中美如果陷入新冷戰格局，港幣同人民幣嘅匯率就出現重大風險，對於呢啲貨幣結算嘅資產價值亦都造成衝擊。除非你冇海外資產或者唔出國消費（可能影響比較少），否則係資產配置嘅角度來講，配置返一定數量嘅美元資產，係穩中求勝嘅選擇。雖然美國繼續無限QE，但美元的信用始終比不穩定性高嘅港幣或者人民幣為高。

希望幫到大家啦，有咩問題隨時inbox我哋。

保險解決師 ALPHAMAN