【國安法】對投資市場的影響及移民的注意事項
上一集，同大家分享左《國安法》對保單有效性同保險公司投資的影響。但更多人關心嘅係，究竟立法對投資市場同資產價值有幾大影響。如果而家移民，又有咩問題要處理呢？今日同大家一齊深入剖析。
上一集，同大家分享左《國安法》對保單有效性同保險公司投資的影響。但更多人關心嘅係，究竟立法對投資市場同資產價值有幾大影響。如果而家移民，又有咩問題要處理呢？今日同大家一齊深入剖析。
投資
投資方面，我收到非常多嘅查詢，係關於投資的風險同資產價格因今次國安法所帶來的影響有幾大。如果樓、股票同其他資產價值不斷下跌，大家都唔好受。可以想像，隨著法例的實施的反響、社會運動因疫情緩和而再起，以及今年換屆立法會選舉等等的因素，相信香港政局風險同市場資產價格波動性會提高。加上可能外資會撤資、外國政府關注甚至制裁香港或者比評級機構調低評級。散戶最愛買的港股，多年來本身平均估值都比成熟市場低（根據彭博綜合分析員預測，恒指過去十年的平均預測市盈率中位數為11.7倍，遠低於美股3大指數）。其中一個主要原因，相信就係因為市場憂慮為就係有中國因素嘅影響。係一個不確定性之下，投資者憂慮香港政局不穩，會要求更高的「要求回報率」（Required Rate of Return, RRR，投資者要有幾多回報先會願意承擔風險嘅比率），所以消息一出，恒指就一日跌左一千三百幾點，就係反映呢個悲觀預期。
咁你可能會問，咁我咪應該賣晒的股票呢？大家需要做的，並不是「一股不留」，而係謹慎配置不同理財工具，做好理財資產配置。之前我刊登左一篇文章<做好理財管理，迎接風浪下的機遇和挑戰>，裏面就有提及「理財戶口」（固定收益產品或穩定現金流）同「投資戶口」（長線投資如股票或基金等）兩個錢包。第一，呢的錢要係閒錢，唔急住用，如果唔係你就可能因為週轉唔黎而被逼賤賣資產。股市同樓市都有週期，你就享受唔到資產回升的好處。第二，專注係資產的需求同價值，而唔係價格波動。有價值的資產，總有一日可以展現佢的作用（前提係係買岩資產）當你唔需要因為週轉而被逼賣資產之後，你有足夠的時間可以等資產回歸合理價（Reversion to mean，價格反映資產真正價值）之後，享受資產的真正潛力。第三，做好風險評估和管理現金流，每個人的風險承擔能力唔同，大家可以因應自己的情況選擇理財同投資資產的配置比例（例如保守投資者6比4，進取投資者3比7）。如果資產優質，能持續提供源源不絕的現金流，價格的問題應該唔大。
移民
移民係係國安法的消息出台之後，立即成為熱話同埋搜尋對象。其實，自社會事件以來，已經形成一種趨勢，疫情暫時中斷之下，如今，可能又撳起一股新的熱潮，移民的地方愈來愈唔同。由以往大家興的歐、美、紐、澳、加拿大到早年的星加坡、台灣、日本，以至近年的馬來西亞、泰國等等。其實，一路以黎，大家都不免對香港的政治環境同金融中心的優勢地位有的擔憂，呢個我絕對理解。呢一件事發生之後，連筆者自己都對未來的不確定性有疑慮，將來發生的事冇人知。不過，正如我地成日講的口號，「先求知、再投資」，係做移民之前，大家要做好準備。以及考慮移民所衍生出有關理財、稅務及遺產規劃的問題。
係理財策劃上，大家需要流意移民後的保障有效性的問題。假設你已經解決左移民的技術問題（例如手續、移民方式［技術或投資移民或專材計劃等］、工作及生活適應的問題），但你系香港的保單未供完點算或者有冇保障呢？首先，一般黎講，香港的保單系環球保障的，賠償上應該問題不大。不過，有一部分的計劃是有居留地限制或者條款，例如如果移民美國，有保單系寫明吾賠償美國治療費用，又或者系地域上有居留地域日數限制，例如唔可以喺某個地區超過某個日子，我唔係賠償比例會減低或者保費會因為移民的國家而提高。種種嘅條款限制，係事先需要資訊你嘅理財顧問，了解番你的保障條款細節，另外，搵移民顧問了解返當地嘅社會保障。
另外，移民亦可能牽涉到較多的稅務考慮。先唔好講一般來講外國稅率較高，假設你係外國搵返類似嘅收入，剩返嘅錢會少左尼個大家已知的資訊，移民得嘅，通常都比較有錢或者涉及唔同嘅資產或者業務，牽涉覆雜的稅務問題。如果近幾年買樓，賣樓又牽涉到雙倍印花稅的問題，加上急放盤符合移民資格的要求，分分鐘要蝕讓。
咁你話，香港有錢人多，又唔係蝕唔起。岩，但其實稅務問題並不止於此，你係外地如果要買樓，又要再處理相關的稅務問題，如果諗住買樓收租，有的國家又會收「資本增值稅」（例如澳洲）變相考慮又多左。如果涉及本地或公司業務，而家國與國之間又實施CRS (Central Reporting System，共同匯報機制，國與國之間稅務部門就稅務資料互相交換訊息，防止偷稅漏稅瞞稅），不單當地業務的稅提高了，仲要找稅務顧問處理跨國稅局問題。所以，稅務上，都係預先做好規劃好，始終好似香港呢啲簡單稅制、低稅率的稅務優惠地區唔多，最起碼份稅表容易填好多。
遺產分配
最後，有好多朋友會問，咁移民姐，又點會關遺產分配事呀？我立遺囑只要做好準備，搵專業人士同我起草遺囑，唔會有大問題架。首先，遺產規劃（Estate Planning) 分為兩部份：資產轉移（Asset Transfer，點樣順利將資產順利轉移到受益人手上，並且好好分配同運用）同埋失能保障（Incapacity Planning，處理資產持有人失能的時候的生活照顧和日常工作授權安排，之後再講），只講遺囑，遺囑係訂立的時候，係要根據遺囑人用的的「居藉」（Domicile，即立遺囑人有永久居留意願的地方）為準，以當地法律為準。先唔講「居藉地」有機會被挑戰，亦假設你份遺囑分配考慮周詳，冇爭產的問題。但就遺囑的效力上，係有限制的，因為外地不動產（房產/物業）有一些是有強制的分配準則，即特留份（forced heirship)，將不動產資產的一部分強制比特定人士（例如法國、日本）甚至同居伴侶（加拿大即一例），不受遺囑限制。所以，處理遺產規劃的覆雜性唔低，建議先諮詢專業法律意見，了解各地特殊情況，再作計劃和安排。
後記
《國安法》呢個主題，就分享到呢度先啦。機會中的留俾有準備嘅人，香港人都可以捱得過呢一個考驗。如果大家對於呢個問題有啲咩疑問，或者想重新規劃自己嘅理財計劃，歡迎隨時聯絡保險解決師😉我哋會盡快回覆你㗎啦！
