【國安法】美國會否採用「核選項」取消聯繫匯率？
美國正係到研究限制香港的資本流向的措施，令大家更加擔心美國可能啟動「核選項」，取消聯繫匯率。一但成真，美元資產可能會大幅波動，影響唔可以話唔深遠。
係上個月，全國人大宣佈將訂立《港區維護國家安全法》，經《基本法》附件三直接係香港實施。事件可以話係「牽一髮動全身」，恒生指數第二日立即急跌超過一千三百點收市，市場氣氛急劇轉壞，移民查詢急劇上升。其實，完善國家安全立法一早已經係舊年四中全會上已經有提出，唔係上個月的事。之後，美國宣佈即將研究一系列措施制裁香港，包措取消「特殊待遇」以及不再視香港為「獨立關稅區」，唔再視香港係一個不受內地影響、行唔同制度的政治地區。當大家都係到觀望的時侯，最近，美國國務卿薘佩奧（Mike Pompey)提出，美國正係到研究限制香港的資本流向的措施，令大家更加擔心美國可能「加辣」，會取消匯款的「swift code」，甚至啟動「核選項」，取消聯繫匯率。一但成真，港人投資的美元資產（如美元保單、美股）的結算值可能會大幅波動，影響唔可以話唔深遠。
講到呢到，相信大家唔多唔少都擔心呢個可能性，「唔怕一萬、只怕萬一」，真係發生果陣點算呢？應該點應對？我自己一無水晶球，無預知未來的能力，二唔識權威消息人士，只係星斗市民一名。將來的野，從來無絕對。不過，我地可以從美國的利益同埋從國際貿易的角度出發，嘗試從唔同的珠絲碼跡梳理同整合，去剖析成件事。
美國四面楚歌，大選因素只屬短暫
大家去思考呢個因素的時侯，就一定要從美國國內政治經濟環境去考慮。美國國內疫情嚴重，最近更因黑人喬治。佛洛伊德（George Floyd) 懷疑被警員跪頸致死，引發國內大規動騷動以及全國反種族歧視的鬥爭。特朗普面對抗議，多次稱呼示威者為暴徒，更指示出動國民警衛軍鎮壓。美國的GDP以雙位數字倒退，失業人數以幾何級數上升，國內的爛攤子有排都未搞掂。面對今年大選，特朗普唯有打中國牌，將疫情責任推往中國，并且透過制裁香港去轉移視線，并且煽動仇中情緒來爭取支持。所以，可以想像，制裁的措施將陸續有來，包括透過《香港人權與民主法案》制裁損害香港自由民主的中港官員并且凍結佢地係美國的資產、拒發簽證，以及最近放風提及的研究限制資金流動的措施。作為民主大國應有的「道義責任」兼考慮競選因素，美國擺出政治姿態係合情合理的事，不過，難就難在，點樣可以做到對美國「利益大、損失少」的措施，就係最大的課題。如果唔係，就會好似「七傷拳」一樣，「先傷已後傷人」，損害美國利益。長遠黎講，美國都唔會想損害到佢的利益，尤其要顧及與中國的貿易往來。所以，採取極端措施的可能性不大，包括取消「聯繫匯率」。
取消聯繫匯率破壞「美元遊戲」規則，不符合美國利益
咁你可能會話，美國可能唔諗咁多，直接取消聯繫匯率又得唔得呢？咁又無話無可能嘅，世事無絕對呀嘛。要了解呢個可能性高唔高，就先要明白聯繫匯率的操作，以及「美元遊戲」的運作。
香港自開阜到而家，曾經同唔同的貨幣掛鈎，同美元掛鈎係自1983年開始，至今37年，一直行之有效。而有關港元同美元「自由無上限兌換」的條款，係1992年《香港關係法》入面承諾的。掛鈎的目的，旨在同國際貨幣銜接，以達到穩定幣值和資產價格的效果，方便結算及有貿易往來多的地區作貿易，保障投資者不受匯率影響而安心落戶投資。
聯繫匯率并唔係自由浮動，而係會係1美元兌7.75港元-7.85港元之間浮動，前者稱為「強方兌換保證」，後者稱為「弱方兌換保證」，由金管局視乎情況，將匯率置於兩者之間，可以穩定貨幣穩家性。國與國之間的外匯兌換率係相對的，取決於彼此的產品和服務的價值而定價，需求大自然升值，反之亦然。
香港的外匯基金有4千幾億美元的外匯儲備，係咁多年黎向美國同世界各國提供「有價值」的產品同服務得番黎的，而美國的「錢」係可以「印」出黎的，所以美國樂於維持美元結算。要了解呢個問題，先要了解「美元遊戲」。
所有國家都可以發行貨幣，但其他國家唔可以亂印貨幣，因為貨幣供應量高而需求未能配合，會引起惡性通漲。偏偏美元作為國際儲備貨幣，石油、黃金、外匯儲備都係用美元結算，美元係世界大亂的時侯係除左黃金以外的「避險貨幣」，因為大家「信」美國。貨幣之所以可以作為交易工具，前提係大定「信」同「認可」，大家對佢有需求，所以美國係有「印銀紙」的特權而唔會大幅通漲（當然，不是無限，始終凡事物極必反）。比的意義唔大的廢紙你，之後係低息年代，用低息還息唔還本，欠人的錢多左還錢反而仲少左。
透過「美元遊戲」，收割香港以及世界各地的（美元外匯儲備）財富，最符合美國利益。如果美國突然宣佈，取消或唔承認聯繫匯率，先唔講技術上做唔做到，不過咁樣做恐怕會動搖美元的儲備貨幣地位。試諗下，其他國家看在眼內，心諗，今日你美國唔滿意香港，就取消聯繫匯率，他日如果我地有糾紛，會唔會「他朝君體也相同」，甚至唔承認你的債務。世界各國之後仲會唔會用美元交易或者買美債，定係會搵其他替代品呢？
所以，如果從常理黎講，美國維持聯繫匯率係最符合美國利益的，既方便賺取外匯，亦可以維持「美元遊戲」的霸權地位。不過，若果美國真係要「攬炒」，強行取消聯繫匯率的規定，情況又會係點呢？呢個我地留番下回分解。
Alphaman
保險解決師共同創辦人
香港財務策劃師學會會員
