【國安法】《香港自治法》出台，美國會唔會取消聯繫匯率？
上回提到，除左國內的政治形勢之外，對美國黎講，美元的流通性以及對美元作為國際貨幣的影響，對美國利益至關重要。取消聯繫匯率并唔符合美國的利益。幾日前，美國參議院「加辣」，繼舊年通過的《香港人權與民主法案》之後，一致通過《香港自治法》，7月1號，眾議院亦通過左相關法案。總統特朗普簽署幾乎無懸念。萬一美國真係殺紅左眼，不按常理「出牌」，又會點呢？咁就會對中美貿易造成沉重打擊。
美國制裁機制簡介
係開始討論之前，大家需要對美國制裁香港的機制有基本的了解，再討論《香港自治法》以及取消聯繫匯率的可能性。1992年，美國通過《香港關係法》，視香港為與中國內地不同的「半自治」地區，給予香港「特殊待遇」，前提是係，香港的政治、經濟、人權狀況保持良好，就香港的情況，相關調查結果需要向國會每年提交報告，以檢討香港情況同美國再比唔比香港「特殊待遇」。《香港人權及民主法案》及《香港自治法案》被制裁的個人、機構名單，將會係《美國-香港政策法》的年度報告向國會提交。最新的消息是，商務部長羅斯（Wibur Ross) 就「進一步取消差別待遇」作評估。美方如何出手，中方如何反制，我們拭目以待。
貨幣政策無須美國批准，港府有力捍衛聯繫制度
一個國家或者一個地區的貨幣政策，本來就係自己獨立決定的。美國本來就唔可以單方面取消聯繫匯率。香港同咩貨幣掛鈎，本來就唔需要果個國家或者地區同意。當然，如果美國「真係」修改《香港關係法》限制金管局自由兌換美元，甚至禁止香港使用SWIFT CODE，的確會為金管局維持聯繫匯率帶來一定困難。短期內會令資金「走資」，匯價大幅波動，并且重創銀行業、航運業。
例如，係最新的《香港自治法》入邊，就有相關條友制裁相關「損害香港自由、法治和高度自治的人」有「重大交易的外國金融機構」向美國金融機構借貸等「多種」金融活動將受到禁止。種種跡象顯示，限制資金進出，已見雛形。不過，制裁冇追溯力又係一個問題。因為相關人員可以係法案生效前轉移相關資金，變相減弱相關法律效力，變成「無牙老虎」。
撇開呢個話題唔討論，退一萬步黎講，制裁不足以撼動香港根本。有「聯繫匯率之父」之稱的景順首席經濟師祈連活（John Greenwood）舊年接受訪問果陣表示，只要香港金管局的外匯儲備充足，就可支持大部分流通港幣，穩定港元匯價。老實講，始終美國都係香港第二大貿易夥伴，香港的美元都有一部分係呢到黎。不過，如果真係要做，美國唔係唯一有美元的地方，有其他渠道可以換美元。
取消自由兌換，美國失進入中國跳板
資金永遠係逐利的，美國唔兌換美元比香港，係唔係美國公司同香港做生意，公司唔比美元香港？美國同香港貿易的巨大得益者，長期順差，對上一年更加係超過300億美元順差，係美國最大順差貿易夥伴。本來我就對美國的決心有疑問。即使美國政府真係禁止金管局自由兌換美元，美國公司會唔會跟又係一伴事。唔通佢地唔使考慮生意？係香港緊係揸港幣唔通揸幣值波動的人民幣咩。如果港幣幣值唔穩定，公司好難長遠立足中港市場。所以，聯繫匯率的存在，本來就係保障美國公司係香港做生意的制度，而香港就係比一個資金平台比美國進入中國。所以，香港同聯繫匯率本來就係有獨特的意義，金融中心的地位係國際認可的，唔係美國話唔承認就冇左。總而言之，美國能唔能夠單方面取消聯繫匯率，而作用有幾大，存在一個很大的問號。
世事常變，但為自己國家謀利益的本質應該係永恒的。美國正面對嚴重的國內問題，利用「中國病毒」同「港版國安法」作宣傳，本屬無可厚非。不過如果制裁措施會嚴重損害中美關係、美元地位以至美國公司利益，相信美國亦會權衡利害，三思而後行。撒消《香港關係法》，取消兌換條款的可能性，即使係而家，相信機會不高。今次講到呢到先，下次再同大家分享。
Alphaman
保險解決師共同創辦人
香港財務策劃師學會會員
