【大時代下的投資智慧】—彼得.林治與基金投資
最近港股出現大時代，不少人更預測後市挑戰18年歷史高位33408點。散戶有投資暴富的，亦有係Robinhood 錯誤睇錯斬倉輸身家而自殺的悲劇。「抱團」的散戶追求超高回報的同時，亦同時冒超高風險。身處大風大浪入面，投資大師彼得.林治嘅投資智慧對投資者有溫故知新嘅效果。
最近港股出現了大時代，唔少人更預測後市會挑戰到18年嘅歷史高位33408點。過去一年，股市亦出現咗巨變。除咗有投資暴富嘅散戶，亦有係Robinhood 睇錯自已被斬倉輸身家而自殺嘅悲劇散戶。「抱團」嘅散戶雖然有超高嘅回報，但同時亦冒住超高嘅風險。
一向以來，身經百戰嘅投資經理人往往唔單只係調求「賺幾多錢」嘅「絕對回報」（Absolute Return），而係賺取回報嘅過程中要冒幾多風險。與「基準指數」（例如美股投資組合與道球瓊斯工業平均指數）比較後，可以得出「經風險調整後」嘅「相對回報」（Relative Return)。
投資，從來都係「風險回報權衡」（Risk and Return Trade-off)。
長時間跑贏大市嘅基金經理，一定能夠經得起時間嘅考驗。點樣係牛市入面保持冷靜？答案就係透過參考美國殿堂級前投資大師，Peter Lynch 彼得林奇嘅寶貴經驗同智慧。
林奇1944年出生，68年係美國名牌大學賓州大學Wharton School 畢業，後來入咗富達管理研究公司擔任分析員。1977年，佢主理麥哲倫基金（Magellan Fund)，一直到1990年依13年期間，佢嘅資產值由2,000萬美元暴增至140億美元，回報率每年「複合」增長超過29%，跑嬴同期標準普爾500指數（S&P 500) 1倍以上，成為咗股市嘅傳奇。林奇自己亦有幾本著作傳世，包括《學以致富》、《選股策略》、《佂服股海》，大家有興趣亦不妨睇下。
林奇雖然已經退休，但佢對投資者嘅影響仍然非常深遠。礙於篇幅所限，係到整理幾個重點比大家參考：
1、雞尾酒會理論：出席宴會嘅時候，如果股市未從衰退中恢復（第一階段），即使股市上升，出席者仍然會對基金管理人態度冷淡，因為佢哋睇唔到任何嘅投資機會。當市場再上漲，有啲人開始留意到機會嘅存在，就會搵佢討論股票，但係都仲未有投資嘅決定。到咗第三、四期時，出席者熱情高漲咁圍住佢討論股票，係呢個時候，佢就知道而家股市過熱，然後就會開始逐步離場。今時今日，各位仍然可以透過留意四周環境去評估市場熱度，進而做好風險管理。
2、散戶可以戰勝專家：呢個就需要小心注意，因為依個嘅前提係要對投資嘅對象有深入嘅研究。佢認為投資嘅「致勝之道」並唔一定係黎自金融業專家，甚至唔一定係華爾街嘅專利。散戶如果用心咁觀察身邊發生嘅事，想要搵到「十倍股」（Ten bagger）？其實並唔係夢。例如，林奇就係由佢妻子同女兒常用嘅日用品中發掘咗蕾格絲（L’eggs）絲襪同 The Body Shop，作出咗深入嘅研究後，最終兩隻股票就正正為佢帶來咗可觀嘅回報。林奇嘅投資哲學中最重要嘅第一點就係黎自於「生活」，因為最容易接觸。第二點就係絕對唔好投資係自己唔熟悉嘅產品上，因為投資前係必須經過深入嘅研究，做好「功課」。
3、人棄我取，搵行業「失竉」公司：古往今來，獲利嘅不變法則都係「低買高賣」。股神都話「別人恐懼我貪婪」，投資者要做足功課，搵出被遺忘咗嘅公司。林奇將依個理論稱之為「荒漠之花」，係沙漠入面尋寶，話唔定就會「執到寶」。
綜合以上所講，其實技資需要有充足嘅好奇心，而且一定要研究完先去做決定。佢曾經講過，如果唔清楚投資標嘅內在價值，就好似玩話事啤而唔睇底牌一樣，好輸蝕。依個亦都係跑贏大市嘅關鍵所在。大家如果有充足嘅時間同深入嘅知識，就可以考慮「小試牛刀」考驗一下自己嘅眼光。
不過，香港人嘅工作同生活節奏都比較忙碌，如果答案係未必有時間嘅話，亦可以搵一啲「千里馬」。至於「千里馬」係邊到搵？唔同人有唔同嘅睇法。不過，揀到一隻長期跑贏大市嘅基金投資，分分中就等同於會搵到另一個Peter Lynch，長遠回報非常可觀。
成日都會有人問基金同股票有咩唔同？股票相對更加著重於揀股，搵「倍升股」、「十倍股」等。然而，基金重點係在於市場同資產種類嘅選擇，留意市場風向同埋熱門投資類別。例如疫情投資美股、今年投資中港股票等。因為基金經理都要貼市，如果扣左管理費之後嘅回報都唔可以跑贏大市，係唔會有人搵佢地投資。所以佢地會積極追蹤市場動向同探索熱門主題。投資者如果對一啲公司或者一啲市場有信心，但未有深入研究的話，基金會係一個唔錯嘅切入點。
今日，就拋磚引玉，分享一啲唔錯嘅基金或者方向比大家參考：
1、安聯神州A股基金累積股份（AT類）：晨星最高5星評級。雖然最近中國疫情有反彈嘅跡象，但係問題應該唔太大。中國作為最早喺疫情走出黎嘅國家，經濟復甦加速，市場同股市已經係「兵家必爭之地」。由2016年起，依5年嘅表現每年都跑贏大市，絕對係唔容易，去年表現更達到72.73%，完勝基準指標嘅40.04%。主力投資中國「內循環」消費股、有復甦概念概金融股同埋新能源汽車概念股，再外加近年「當紅炸子雞」嘅科技同醫療股。以AT類（港元）累積股份，基金收費總開支比率都只係2.3%，唔算太貴。相信今年仍然會有唔錯嘅表現。
2、美國優勢基金-A類：晨星5星評級。美國雖然未走出疫情陰霾，但係課幣政策同財政政策對財政仍有支撐。美股今年表現雖然未必最亮麗，但就長遠黎講，仍然有投資嘅價值。基金成立以黎依15年期間，喺扣除管理費外「每年」顯著跑贏標普500指數3.92%。如果以10年計，都平均跑贏指數5%。從主要指標例如夏普比率、R square、波動性觀察，可見佢嘅選股策略有助跑贏大市。所以如果係長線投資嘅話，依個係一個幾好嘅選擇。
3、行業基金：特定類別嘅基金，例如生物科技基金，係唔錯嘅選擇。如果可以承擔較大嘅波動性，而資金亦唔急嘅話，可以投資「醫藥板塊」。因為相信疫情過後，喚起咗世界對公共衛生嘅關注，會對醫藥板塊有正面影響。中國亦開始由仿製藥遷移到研發創新藥，相信相關板塊係增長賽道上會有更大嘅發展空間。但行業基金除咗有集中風險、需要大量嘅專業知識，而且波動性好大，所以投資者心理質素要好之餘，亦要揀岩行業。長遠而言，增長賽道比起夕陽或者周期性行業都要好。
最後，大家做投資之前，記得做多啲功課。重溫Peter Lynch嘅投資智慧，評估風險之後先好做投資決定啊。有興趣嘅朋友，亦可以回覆我地，大家多作交流。
（以上資料，純屬參考之用，無任何投資、買賣建議。）
