八重山寨王 之 「傳統品牌價值？返屋企磨墨啦！」
本山寨王難得有時間上下網，就睇到以下一則新聞。數字唔多講，但因為工作關係，每一次Bang & Olufsen發財報「又跌一截」時，都會同啲同事討論一下。不過漸漸地，就麻木左冇再講咯。
有業界中人形容Bang & Olufsen為音響界中既勞斯萊斯，是否精準山寨王亦不便評價。但事實上，你係音響界勞斯萊斯又點？我夠FIFA界粉嶺萊斯（Marco Reus，如有讀者唔知我講緊乜 AND 如有讀者）啦！又如何？
近兩、三年既財報就話左俾你知乜野事啦，唔掂嘛。
Okay，實話實說，筆者工作上當然係同Bang & Olufsen有少少交雜（Not雜交），但工作既野唔講（得），就講啲大家可以係新聞搵到既野。
2008年已經經歷過一次生意額大跌，股價又52蚊跌到去8個半。當年緊守核心業務，成功起死回生，其中最成功既就係創立左B&O Play呢個新品牌。
Bang & Olufsen既傳統品牌價值，就係「豪」。如果唔係點會俾某業界中人稱為音響界中既勞斯萊斯？但「豪」還「豪」，公司深明自己既品牌已經老化，電子消費者產品慢慢由高消費玩意變得大眾化，有希望新一代消費力不容忽視。
但有希望新一代點都唔會去到玩勞斯萊斯架嘛，拿，Do you know Tesla？Tesla就真係型喇，幾十萬一部又唔係多，但又型又潮又Elon Musk喎。所以Bang & Olufsen就搞左B&O Play呢個品牌。操作、架構等等就唔講太多，但End up亦算係成功既。雖然產品係同級產品都算係偏貴，但亦可以算係搵到個平衡點。「豪」得黎，亦係有希望新一代買得起既。
不過呢，呢個只係小陽春。正如羅傑承扔一大舊錢入黎本地球巿，又畢特又基士文，治標唔治本。B&O Play既小成功又好、大陸佬入股又好、賣左捷克間廠都好、不停炒人降低成本、B&O Play團隊回歸丹麥總部又好、不停更換領導層都好，Bang & Olufsen都始終搵唔到出路，可以有效解決背負住既傳統品牌價值及多年自家技術與用戶、巿場及技術趨勢發展既矛盾。
難兄難弟既，仲有就係個名差不多，以「卓越音質表現」為品牌價值既Bowers & Wilkins（又有幾差唔多？），以下呢單新聞就大概係一個月前。
呢位剛離職既CEO來自三星，Sales & Marketing背景，做過三星北美既CEO、又做過三星全球CMO，來頭唔少野。2018年11月上任既，一年貨仔多啲，咁又玩完。
死因係咩呢？唔知喎。但你話「緊係因為佢八重山唔識搞音響生意啦」，個人意見就係太膚淺喇。其實搵得個隔行八重山既人過黎，人地就係貪佢八重山。簡單黎講，搵個外人做CEO仲要搞巿場背景既，就係要解決自己啲產品、品牌同當今消費者巿場脫節既問題。事實上，呢位CEO上任後，馬上就更新產品策略，想從現今巿場角度去翻新品牌（唔信？「咪唔好信咯」）。
不過就出師未捷身先死，仲要係連一個新管理層主理既產品都未出過街就秋風五丈原連根拔，禳星都救唔返。你問我，就好明顯唔係成積表有問題，純屬內部。
看倌，從巿場黎睇，仲有幾多人幾十萬玩Hi-fi？可能同以前咁上下數目。但多左幾多人買兩、三千蚊既「爛鬼」無線喇吧呢？多左幾多人兩、三千蚊買啲「啲聲唔夠靚」既無線耳機呢？巿場個餅大左好多，用家成份唔同哂，開放左競爭。
變左既唔係你既核心競爭力，而係巿場咯。追唔上巿場既改變，咁你既「核心競爭力」就會變成「冇乜競爭力」。
當年追捧你個品牌既廢老被時間清洗完畢，新一代變成廢老，人地自細Do you know Tesla，仲鬼理得你勞斯萊斯，阿水識你係廿八座大王咩？
目前最「紅」既消費者音響品牌黎講，家用既都係以Sonos為先，而Sonos既「DNA」由始到能都係「科技」，當大家講串流音質點唔掂、點及我果條幾千蚊既喇叭線？「返屋企磨墨啦，過兩年個個就淨係聽Spotify，Sonos一馬當先搶左個巿場」。
過多兩年？個個買Amazon Echo買Google Home，又係科技巨獸食埋你個巿場。點解呀？「過癮丫嘛，可以同佢傾計架。」Okay，其實都係一半半啦，重點係好抵玩先啱。聲係唔夠你靚，但夠哂用啦大佬，你估人人都食家唔34C竹荀食唔落咩？32B我好夠揸手架喇。
耳機就更明顯，一兩年前本山寨王好神心咁同大家講潮流一定係無線架喇，巿場報告無線耳機亦過左有線頭，當時都仲有好多音質能話「藍芽點聽得入耳？個巿場報告搞錯左呀？」。
先有「好難聽」既Beats令幾千蚊隻耳機成為主流，再有人人買無線抗噪耳機，再下一波就係抗噪真無線耳機。
大家都好重視音質，不過好多都未必係最重視音質，何況，都真係唔知有幾多人真係聽得出音質有分別咯。
所以？咪都係果句，世界變得好快既，傳統係有其價值。不過做生意既野，搵唔到巿場，就講乜都假啦。磨墨既野，人人都會話自己好欣賞，但有幾多人真係識書法？而家連原子筆都少人用啦，個個開會拎部Macbook出黎做筆記，唔通開會時拎舊墨出黎磨咩屌你？
不過，筆者都係鍾意傳統既人，但咁就緊係唔係拎舊墨出黎磨啦大佬，我指用原子筆寫筆記姐。
