曆法詞語的浪漫－－細說曆法－－【史學生筆記】
（書面語版本在樓下）
小時候讀古文詩詞，當他們提到季節時令有很多（像是很浪漫的）寫法，但事實上又不知道實際是什麼意思，現在懂得寫「愛在深秋」就已經很厲害啦。想裝浪漫文雅？記住以下的簡介吧：
1. 「孟」／「仲」／「季」＋春夏秋冬
將一季分為三個月，第一個月為「孟」，第二個月為「仲」，第三個月為「季」。
例子：秋天第二個月，可以稱為「仲秋」。
例子：仲夏夜之夢
2. 直接使用廿四節氣的名字，有的都很有詩意
比較常見：立春、春分、立夏、夏至、立秋、秋分、立冬、冬至
如果想表現自己的氣質，可以試用：雨水、驚蟄、清明、穀雨、小滿、芒種、小暑、大暑、處暑、白露、寒露、霜降、小雪、大雪、小寒、大寒
不過，用的時候記得要留意讀者是否能看懂
3. 用「歲」，又或者季節名代替「年」
例子：歲月如煙 vs 年月流流長
例子：如隔三秋 vs 好像過了三年一樣
4. 每個月份除了叫一月二月三月之外，還有其他別稱
一月 －正月、端月、開歲、嘉月。
二月 －杏月、麗月、如月。
三月 －季月、晚春、蠶月。
四月 －麥月、陰月、梅月、純陽。
五月 －榴月、蒲月、皋月。
六月 －暑月、焦月、荷月。
七月 －新秋、蘭秋、蘭月、瓜月。
八月 －桂月、壯月、竹春。
九月 －暮商、季秋、菊月、朽月、陽月。
十月 －初冬、開冬、露月、良月。
十一月 －仲冬、辜月、葭月、龍潛月。
十二月 －臘月、季冬、殘冬、冰月、嚴月。
中國人是農耕民族，細心的話會注意到大量的月份別稱，都充滿濃濃花香（泥土味道），農夫對季節氣候變化是特別敏感的，這些詞語見證了農業在中國語言表達上面的地位。
細細個讀古文詩詞（都係細細個先會讀），佢哋講季節呀時令呀嗰啲有好多（好似好浪漫嘅）寫法，但又唔知實際點解喎，而家啲人識寫「愛在深秋」就已經好勁啦。想識睇又識用？以下簡介幫到你：
1. 「孟」／「仲」／「季／暮」＋春夏秋冬
將一季分為三個月，第一個月為「孟」，第二個月為「仲」，第三個月為「季／暮」。
例子：秋天嘅第二個月，可以叫做「仲秋」。
例子：仲夏夜之夢
2. 直接用廿四節氣個名嚟講時間，有時都好有詩意
比較常見嘅有：立春、春分、立夏、夏至、立秋、秋分、立冬、冬至
如果想表現一吓自己嘅氣質，可以試吓用：雨水、驚蟄、清明、穀雨、小滿、芒種、小暑、大暑、處暑、白露、寒露、霜降、小雪、大雪、小寒、大寒
不過要留意返睇嘅人明唔明白係幾時喎
3. 用「歲」，又或者季節名代替「年」
例子：歲月如煙 vs 年月流流長
例子：如隔三秋 vs 好似過咗三年
4. 每個月份除咗叫一月二月三月咁之外，都仲有幾個名㗎，可以留意返
一月 －正月、端月、開歲、嘉月。
二月 －杏月、麗月、如月。
三月 －季月、晚春、蠶月。
四月 －麥月、陰月、梅月、純陽。
五月 －榴月、蒲月、皋月。
六月 －暑月、焦月、荷月。
七月 －新秋、蘭秋、蘭月、瓜月。
八月 －桂月、壯月、竹春。
九月 －暮商、季秋、菊月、朽月、陽月。
十月 －初冬、開冬、露月、良月。
十一月 －仲冬、辜月、葭月、龍潛月。
十二月 －臘月、季冬、殘冬、冰月、嚴月。
中國人係農耕民族，可以留意到好多呢啲月份嘅別稱入面，都充滿住濃濃嘅花香（泥土味），耕田嘅人對季節氣候嘅變化特別敏感，呢啲詞語見證住農業喺中國語言表達上面嘅地位。
