（書面語版本在樓下）
簡單而言，曆法係人類用嚟計算日子時間嘅系統。作為現代人，我們好難想像日子、時間喺沒有準確計算嘅情況之下，點樣生活、約人、返工。所以，古今中外，只要有人類文化，就會有無數曆法出現。
上回講到，曆法嘅編寫不外乎觀察圍繞太陽或者月亮嘅週期，然後換算成為日子。因此，曆法本身同天文學（觀測天象）、數學（計算紀錄）以至氣象學等息息相關，與此同時，唔同嘅曆法發展同曆法用途亦都有好大關係，比如話農耕民族嘅曆法，必然同農業相關，方便人民跟住嚟耕田。
考古研究估計，早喺石器時代就已經有簡單嘅曆法，考古學家喺各個遺址裡面，都發現有唔同用嚟測量太陽或者其他天體嘅簡單工具，由農業發展情況推斷，佢哋應該已經識得跟住節氣去春耕秋收。去到信史年代（即是商朝，如果記得中一歷史有讀過嘅話），文字記載裡面亦都散落有關於節氣、曆法嘅字句。
另外，曆法嘅編寫除咗係一種科學研究之外，更重要嘅係權力象徵。只有一個有權威嘅政府，先至有能力去研究同埋推行一套新曆法（通常聲稱更精準可靠），要令全國人民都行呢套曆法，係需要好大嘅政治能量㗎（特別係以前大部份人都唔識字，亦無Internet）。所以（其實不單只）中國歷代帝皇都會自己改個年號（細個扮皇帝應該好多人都自己改過），佔領日子嘅擁有權，以自己作為計算年份（至少係佢生存嗰幾十年）嘅單位（連基督教都係咁做㗎）。
日曆係邊個寫嘅（發明係另一回事，通常都是科學家數學家啦）？其實編寫日曆，同編寫歷史嘅過程都差不多，通常都係由當權政府（朝廷）委派科學家（官員）去寫，然後制定邊一個日曆先係正統（畢竟政府行政需要一個標準嘅日曆先執行到嘅），唯一唔同嘅，在於新朝代並唔需要銷毀前朝嘅曆法，所以能夠參考嘅古曆法保存得相對比較好。
有興趣嘅朋友可以去維基睇吓曆法嘅名字同作者：https://zh.wikipedia.org/wiki/%E5%8E%86%E6%B3%95
到咗而家，其實依然有唔少嘅人建議修訂日曆，希望將曆法更進一步㗎（因為人類仲追求緊更加精準嘅日曆，而現代嘅監測儀器亦都更加精確），又或者將傳統嘅日曆融入公曆入面，唔使再查嚟查去（解決兩曆並行嘅問題）。
簡單而言，曆法是人類用來量度日子時間的系統。作為現代人，我們很難想像日子、時間在沒有準確計算的情況下，如何生活、約會、工作。所以，古今中外，只要有人類的文化，就有無數曆法的編寫。
上回提到，曆法的編寫不外乎觀察圍繞太陽或月亮的週期，然後換算成日子。故此，曆法本身和天文學（觀測天象）、數學（計算紀錄）及氣象學息息相關，與此同時，不同曆法的發展和該曆法的用途也有莫大關係，比如說農耕民族的曆法，必然與農業相關，方便人民適時耕作的。
在考古研究中，估計早至石器時代已經有簡單的曆法存在，考古學家在各遺址裡都發現有不同的測量太陽或其他天體的簡單工具，從農業發展的情況亦可見他們已經懂得依節氣春耕秋收。及至信史年代（即是商朝），文字上亦散落關於節氣、曆法的記載。
另外，曆法的編寫除了是一種科學研究以外，更重要的是權力的象徵。只有一個有權威的政權，方才有能力去研究和實行一套新的曆法（通常聲稱更精準可靠），要令全國人民都奉行這套曆法，是需要很大的政治能量的（特別從前大部份人民都不識字，亦沒有Internet）。所以（其實不單是）中國的歷代帝皇都會自設年號，佔領日子的擁有權，以自己為紀年的單位（連基督教都是這樣做的）。
日曆是誰編寫的（發明是另一回事，通常都是科學家啦）？其實編寫日曆，跟編寫歷史的過程差不多，總是由當權政府（朝廷）委派科學家（官員）去編寫，然後制定哪一個日曆是正統（畢竟政府行政需要一個標準化的日曆才能夠實行），唯一的不同，在於新朝代並不需要銷毀前朝的曆法，所以能夠參考的古曆法保存得相對較好。
有興趣的朋友可以去維基看看曆法的名字和作者：https://zh.wikipedia.org/wiki/%E5%8E%86%E6%B3%95
到現在，依然有不少的人建議修訂日曆，希望將曆法更進一步（因為人類還在追求更加精準的日曆，而現代的監測儀器也更精確了），又或者將傳統日曆融入公曆之中（解決兩曆並行的問題）。
