【現場特約】梧桐寨太平清醮
（書面語版在樓下）
今日係林村鄉梧桐寨同慶堂太平清醮嘅大日子，我們嘅特約鄉民Franklin，同時亦都係梧桐寨同慶堂嘅一份子，帶我哋去現場參觀。
林村鄉梧桐寨係林村鄉二十六條村之一，呢個太平清醮，係林村鄉太平清醮嘅一部份，每十年一度舉行。太平清醮期間，每一朝早都會由唔同嘅村輪流拜神，今朝就輪到梧桐寨負責。每一條村都有自己嘅麒麟，會由村口一路舞入條村度，目的係同神明祈求未來繼續風調雨順、國泰民安。
夜晚更請到專業嘅劇團為太平清醮演出神功戲，今晚由鳴芝聲劇團演出《帝女花》，估計會好多人，所以規定咗公眾人士一定要有飛先可以入場。醮期每一日，公眾福食區都會準備福食俾公眾人士食，相入面可以見到今日係食傳統盆菜。
林村鄉自乾隆年間起好天后廟之後，就訂落十年一屆太平清醮嘅規矩，已經二百八十三年。醮期係鄉民難得聚首一堂嘅機會，國外國內嘅成員都盡可能返嚟幫手同參加，經費呢就由各村按照登記同各家各戶去收，多年以來都順利舉行。Franklin話，打醮期間大家都希望返去幫手，嗰幾日佢即使有Job都會推咗佢。
太平清醮每次都有成五日六夜，由大量人力籌辦同處理。十年一度嘅機會正好等平日各散東西周圍搵食嘅鄉民聚返埋一齊，朝著同一個目標一齊努力，增加大家對鄉村嘅歸屬感同使命感，係維繫鄉土感情同認同意識嘅重要部份。
特別鳴謝：梧桐寨鄉民+攝影師Franklin Koo
＝＝＝＝＝＝
（以下為書面語版）
今日是林村鄉梧桐寨同慶堂太平清醮的日子，我們的特約鄉民Franklin，亦是梧桐寨同慶堂的一份子，帶我們到現場參觀。
林村鄉梧桐寨是林村鄉二十六條村之一，這個太平清醮，是林村鄉太平清醮的一部份，每十年一度舉行。太平清醮期間每一天早上都會由不同的村輪流拜神，今天早上就輪到梧桐寨負責。每一條村都有自己的麒麟，由村口一路舞進村中，向神明祈求未來繼續風調雨順、國泰民安。晚上更有請專業劇團為太平清醮演出神功戲，今晚由鳴芝聲劇團演出《帝女花》，公眾人士須憑票進場觀看。醮期每天，公眾福食區會備有福食，以供公眾人士食用，相中可見今次的福食是傳統盆菜。
林村鄉自乾隆年間建成天后廟後，訂下十年一屆太平清醮，相沿至今歷二百八十三年。醮期是鄉民難得聚首一堂的機會，國外國內的成員都盡可能返鄉幫忙和參與，經費由各村按登記向各戶人口收取，多年以來都順利舉行。據Franklin說，建醮期間大家都希望回鄉幫忙，他即使有工作亦會選擇拒絕。
太平清醮每次都歷時五日六夜，由大量人手籌辦和處理。十年一度的機會正好讓平日各散東西闖蕩四海的鄉民團聚在一起，朝著同一個目標去衷力合作，增加大家對鄉村的歸屬感和使命感，是維繫鄉土感情和認同意識的重要部份。
特別鳴謝：梧桐寨鄉民+攝影師Franklin Koo
＝＝＝＝＝
http://www.first-fifteen.hk/
http://www.1-15.hk/
Facebook: http://www.facebook.com/115.hk
如果你支持我哋嘅信念，請俾個Clap我哋同Follow我哋啦！
