【白田邨奇仔話當年】冬大過年？ — — 奇仔的疑惑

（廣東話版本在樓下）

從小開始，每一年聖誕前一定要跟祖父吃一餐飯，每次一餐至少有兩桌，就算後來兒孫長大，各有各忙，連做節都很少現身，唯有做冬跟團年這兩餐飯一定齊人，連因為信教而很少出席做節活動的叔叔一家都會現身。

少不更事，見到堂兄弟姊妹們熱熱鬧鬧，自然開心，之後幾天就會放寒假，看燈飾加上聖誕大餐，緊接就是除夕新年，當時覺得12月其至比放暑假更好玩，而冬至那一餐就是歡樂時光的開始。

但何解做冬學校沒有假期呢？要聖誕新年才有假放？明明住得偏遠的堂兄弟都全部出來玩，就如放假一樣。這個不解之謎困擾我至今。

問爸爸，爸爸說冬至大過年。

問媽媽，媽媽就解釋中國以農立國，前人種田，到了做冬時節，收割、存糧等工作都會停下來，開始休息過冬，等明年開春天才繼續種田（小學中國語文冬至的課文好像也是這樣說的）。所以，當時人就特別重視這天，一年下來就是這天開始享受辛勞成果，所以就要一家人一起吃一餐豐盛的飯，以慰勞一年以來的辛勞。

當然，接下來我會問：「為什麼學校的假期只放到1月1日？那不是應該春天才開始上學嗎？」不過，爸爸媽媽就沒有再回答我了。這個疑問一直到中學時，都未有答案，之後爸爸再把另一個問號丟給我⋯⋯⋯

話說，中學有一年接近聖誕時，我問爸爸今年是哪一天做冬食飯？爸爸隨口就答我說是21、22日，年年都是那兩天！我完全反應不過來：每年大時大節都要拿日曆出來（當時未有智能手機），將農曆新曆對一下才知道是哪天過節，每一年的日子都不一樣，為什麼爸爸隨口便就肯定那兩三日天呢？爸爸神回：年年是新曆那兩天，何解？天知道。

我⋯⋯⋯⋯⋯⋯⋯⋯⋯

後來有幸問一些前輩才知道，原來冬至是廿四節氣之一，是以新曆計算的。他們說，其實自古以來中國的農曆是陰曆+陽曆，先為之農曆，只是由於現代人因為歷史因素及城市需要對傳統以漁農業為主而訂立嘅農歷需要減少，進而引入西曆。其實西歷亦將同樣將以陽曆計算的廿四節氣計算入內，就成為我地現在日常使用的新曆了；至於為什麼冬至要上學的問題，我想大家還是不要深究了。

由細到大，聖誕前總要同阿爺食飯，每次呢餐飯就兩圍枱唔少得，就算後期一班孫大個咗，少咗出嚟做節，但係唯有做冬呢餐同團年飯都一定會齊人，連信教做節飯唔多出黎食嘅阿叔一家都一定現身。

細個唔知咩事，總係好開心，見到好多堂兄弟姊妹，跟手過兩日又放假去睇燈飾食聖誕大餐，除夕過年直落，直頭當個12月好玩過放暑假，而冬至嗰餐飯就係呢堆歡樂嘅開始啦。

但係點解做冬學校就唔放假，要聖誕同新年先有假放呢？明明平時住得遠嗰啲堂兄弟全部出晒黎，好似唔使返學咁架？呢個不解之謎一直到今日我都唔明？

問阿爸，阿爸就話冬至大過年。

問阿媽，阿媽就話中國以農立國，以前啲人種田，到咗做冬嗰時，收割呀、存糧呀嗰啲嘢就停手㗎啦，開始休息過冬，等到明年春天先再種田（小學中國語文冬至嗰課都好似係咁講）。所以呢，啲人就特別重視呢一日，因為成年以嚟呢一日就係享受辛勞成果嘅，所以就要一家人坐埋一齊食餐好，慰勞一年以黎嘅辛苦。

咁我當然會問「點解學校放假放到1月1嘅？唔係春天先返學咩？」好明顯我阿爸阿媽就冇再答過。呢個疑問就直至我中學嘅時候，都未有解答，跟手仲要俾我阿爸私人醒多個問號俾我⋯⋯⋯

話說中學有一年又就聖誕，我又問阿爸差唔多做冬啦喎，幾多號食飯呀？爸好順口咁答我21、22啦，年年都係嗰兩三日㗎啦！跟住我就「吓？」年年啲過時過節都要睇農曆，對返新曆係幾多號㗎喎？仲要年年都可以差好遠添，點解你咁肯定係個兩三日呀？阿爸就話：年年都係新曆嗰兩日㗎啦，點解？我吾知喎？

我⋯⋯⋯⋯⋯⋯⋯⋯⋯

到之後問返啲前輩先知，原來冬至係廿四氣節之一，係計新曆嘅。佢地話，其實自古以嚟中國嘅農曆係陰曆+陽曆，先為之農曆，只係由於依家我地因為歷史因素同埋城市需要對傳統以漁農業為主而訂立嘅農歷需要減少，進而引入左西曆，而西歷亦將同樣將以陽曆計算嘅廿四氣節計算入內，就成為左我地依家日常用嘅新曆；至於點解要返學呢，我諗大家就唔好再深究啦。

冬至 -維基
https://zh.m.wikipedia.org/zh-hk/冬至