上集:
_______
留意:所有圖片按圖可放大。
【真係寫作好唔好】
試完「起底」同「搵料」,我直頭叫ChatGPT 寫文,有兩個題目想佢寫。
第一係問佢《技術文:日本漫畫嘅兄和弟》嘅核心問題:
「如果一套日本漫畫同時有親生「兄」同「弟」的角色,究竟通常「兄」還是「弟」實力會較強?請分析並附以例子
評語:作為文字人工智能機械人,唔識睇圖像/漫畫,所以ChatGPT 嘅回覆喺內容同風格上徹底失敗,毫不令我意外。佢提及例子係錯嘅,鳴人同博人係父子(甚至佢喺答案都提到),雖然反而有講鳴人勁過博人;《巨人》吉克同艾倫,佢比較唔到(我覺得係艾倫勁好撚多)。
我再試,索性畀埋真正兄弟角色,等佢分析。回覆依然差勁,角色名字全錯、分析亦唔合理。最麻煩係佢嘅答案唔一致,同一套漫畫,有時答兄長強啲、有時答弟弟勁啲,跳嚟跳去之餘,亦冇交代準則係乜。亂吹、鳩o翕情況屢見不鮮。