大嶼山個嶼字點讀?
一路以來都聽過一個講法,關於「大嶼山」個「嶼」字點讀,好多人話讀音「罪」先係正音,讀音「魚」係約定俗成既讀音。之後啲人就會爭論「正音」定「俗音」先係正確,係跟字典,抑或係從俗?我開門見山同大家講,呢種分法係大錯特錯,因為兩音都係正確既讀音,唔存在一「正」一「俗」既分法。
首先講下大嶼山呢個地名既幾種寫法。1866年一位意大利神父繪製既《新安縣全圖》,係寫成「大庾山」;雍正年間修既《廣東通志》,卷十入面係寫成「大漁山」;同樣係雍正年間寫成既《海國聞見錄》,有「大崳山」同「小崳山」兩個地名。