【閱讀魂】《誰把橡皮擦戴在鉛筆的頭上?:文具們的百年演化史》
在上半年因為要寫畢業論文,因為我畢業論文嘅主題喺探討未來文具嘅可能性(有機會可以分享吓寫論文嘅過程同結果),所以睇咗唔少關於文具嘅書同文章。而今次就同大家分享吓,喺寫畢業論文嘅時侯睇過嘅書啦。
書名:Adventures in Stationery: A Journey Through Your Pencil Case
巜誰把橡皮擦戴在鉛筆的頭上?:文具們的百年演化史》(台譯)
作者: James Ward
出版年份:2015
依本書喺我寫論文時最常參考嘅書,其實依本書喺我寫畢業論文之前已經買咗(喺邊度買已經唔記得咗),不過當時買嘅喺台譯中文版實體書,之後因為要寫論文先喺Amazon買返英文電子版,方便寫論文。
佢哋到底喺點樣嚟嘅?又點解會變成咁嘅樣?
依本書喺講述各種文具嘅演化史,由鉛筆丶原子筆、橡皮擦到釘書機丶Post-it等,詳細描述各種文具嘅發明過程。我就分享幾個本書入面提到文具嘅有趣故事啦。
點解唔少螢光筆都喺「胖胖扁扁」嘅呢?
大家不妨留意吓,好多時見到嘅唔少螢光筆都喺胖胖扁扁,究竟點解會設計成咁嘅形狀嘅呢?原來STABILO(德國天鵝牌文具)嘅第四代老闆君特‧史萬豪瑟(Gunter Schwanhausser)喺開發STABILO BOSS螢光筆嘅時候,想要依枝筆睇落同摸起嚟都與眾不同。
他就叫研發部門提出新嘅設計,而研發人員最終揀咗了一個圓錐形嘅設計(圓形嘅筆身一頭大一頭小),於是佢哋就將用黏土整嘅筆身設計原型攞去俾老闆睇,但喺君特都喺唔滿意個設計。
忽然,有位研發人員嬲起上嚟一拳打落個黏土模型到,將圓錐形嘅筆身㩒扁咗。但是君特竟然好鍾意依個扁咗嘅筆身。雖然依枝螢光筆嘅嘅誕生算喺個意外,但「胖胖扁扁」嘅筆身設計都幾實用,扁平嘅筆身令枝筆唔轆嚟轆去,而且夠大、夠壯嘅體型亦都俾到人一種安全感。
唇膏同漿糊筆到底有咩關係?
喺1967年,德國漢高公司(Henkel)嘅沃夫岡・迪里希斯( Wolfang Dierichs)博士喺出差嘅時候,咁啱喺機上見到有位小姐喺度搽唇膏,突然叮一聲,他就諗到唇膏嘅外型應該可以有其他用途。
佢覺得用唇膏個種轉上轉下嘅管可以嚟裝固體黏膠,咁樣咪又乾淨、又方便。(因為佢本身喺響漢高黏著劑(adhesives)部門做嘢,所以他會咁樣諗其實喺十分合理。)就喺咁百特漿糊筆(Pritt Stick)就喺一個充滿巧合嘅情況下誕生咗。而個位喺搽機上唇膏女子嘅身份一直成謎,但喺為漿糊筆嘅誕生添上咗神秘嘅色彩。
後記
好耐冇打中文長文,仲要用廣東話入文,打到有啲攰。希望大家睇得開心,睇多啲書啦。