30次快速分析
- 此為「Golden Profiling 指紋性格分析師（一級）」Wong Tsz Fan, Debby 的畢業作品，發表於 01–2022
太陽型主導嘅我，還是想用實務型嘅方法去完成最後嘅功課～30次快速分析，希望可以從密集式練習中，學以至用之餘，同時可以得到更多嘅領悟，以下有少少有趣分享
“在30次快速分析中，感受到指紋分析，能夠打開大家通向自己或身邊人內心的一道小缺口。”
Case 1 : 黃色的L1和R1，我第一個評語比她”應該有唔錯嘅人緣”。但當時從旁嘅一班朋友仔反而爆笑地篤穿佢喺公司有很多haters😅 正正因為L2R2都係軌道型！從指紋見到好鮮明嘅型像，外在特徵討好，又肯就人，內在實幹型，獨立自主，完美主義。老細好alright，面對强勁對手，佢身邊想博表現嘅同事就慘慘豬。但佢又點會無朋友呀，一班睇中佢弱點嘅舊同事，不正正就成為咗佢一班好朋友👭
Case 2 : 一個幾乎全紅嘅媽媽，經常乾急自己兩個女嘅事，常常掛係口邊都係”都唔知佢哋諗緊乜嘢”，係佢眼中好多好簡單嘅嘢，點解兩個女嘅想法可以南轅北轍。原因就係一個女十指指係mix,一個係全黃色。話口未完，阿女又同阿媽鬥嘴😜。
Case 3 : 一個四歲嘅女仔，好可愛好熱情。擁有全月，慧星，旋風，水嘅盤，佢好動又感情豐富，例如見到人開心，佢就開心，見到人喊，佢流住眼淚話”我都唔知點解自己會喊” 令到佢擁有全水嘅媽媽百思不得其解，還經常怪女兒好奇怪，希望了解咗女兒天性後。可以讓佢更明白女兒內心世界👩👦
係了解，亦係諒解
學習嘅途中，產生左懷疑，既然A+B=C, 咁指模分析對於一班成熟嘅人仲有咩用呢？
練習嘅過程之中，不難發現大家對於自己嘅性格有種追求，大部份嘅人都好想從自己嘅指紋裏聽下自己係一個點咩嘅人。
“了解自己? 可能都只係一部份!”
短短數分鐘講出左佢哋日常生活嘅一啲微細嘅行為舉動，大多數都會點頭以示認同，但從佢哋嘅表情之中，似乎今日先係第一次聽到有人咁樣形容自己。最重要係背後嘅感受對佢哋嚟講可能係一種負擔，係自己做得唔夠好所以先有呢種想法……與其説係唔了解，不如説係對自己少咗一份理解。所以當明白咗自己嘅內心世界，就會諒解到自己嘅行為，然後重新出發。
大家總有討厭自己嘅時候，
點解咁情緒化嘅？
點解我成日落錯決定？
點解我唔肯聽人講？
又或者點解我成日都要聽人講，隱藏自己嘅睇法？
但係如果我話俾你聽，你腦裏面又真住咗幾個老大(太陽🌞,月亮🌙,水🌊)，呢種突然之間覺得”哦原來係咁樣嘅”，似乎係一種釋放呀🤭
