寫於2019–01–17,原題為《通往地獄之門?》
今朝參加左由Berlin Underworld舉辦既地底Tour,主題係二戰既防空洞(bunkers,應該冇錯掛),前兩日去左好幾個博物館,就算明唔晒都叫睇左輪二戰歷史,今日就去親身感受一下歷史痕跡,我諗如果我冇黎呢個tour我會後悔,冇野深刻得過親自去行一次。
其實戰後絕大部分既防空洞都被破壞晒,以防止德國仲有機會搞WWIII,呢個僅餘既防空洞之所以冇被拆,係因為佢位處地鐵站同地面之間,郁佢等如拆地鐵。90年代開始有組織放資源去保育同研究,入面維護得好好,開放得比人參觀既空間已經係重新執過晒,仲有「展品」幫助了解,由廁所開始走訪十間八間唔同既房,感覺唔係話好震撼,但係個個空間入面,好似可以想像當時裡面發生過啲咩事。導賞員真心介紹得非常好,可能打左(歷史)底,我諗接近個半鐘既內容我都明到八成。
有興趣既黎柏林真係要參加下,柏林地底既歷史除左WWII時期,仲有Cold War,而且冬天夏天開放既tour都唔同,有機會的話我都真係要再黎。加加埋埋我呢幾日真係上左太多堂,資訊疲勞了😂😂😂但又係時候去下一個博物館(鬼叫我買左3 day pass!!!)
Berliner Unterwelten (Tour 1) €12
https://www.berliner-unterwelten.de/en.html
(冇得預早訂飛,只可以tour當日早啲去現場買飛)