2019年8月簽證到手，我同朝爸就開始諗幾時Land..
簽證有限期為6個月，只要係美國境內Land(亦即報到）就可以。
當時，我仲陀緊細仔(朝弟)，10月份就出世，領事職員仲同叫我「即刻去美國生啦～」去外地生邊有咁易，仲要人生路不熟，最後當然無啦～再加上本人係香港讀緊course，無咁快行得開。我地揀左2020年1月尾，香港新年去frist land…
講下事前功夫先。
機票： 我地揀到CX凌晨機，等小朋友一覺瞓到底。
住宿：朝爸有親戚係LA，順便成章我地就去LA亦係親戚屋企落腳。
**簽證**
心水清嘅朋友可能會問，朝弟係我地拎左簽證之後先出世，即係佢無簽證的。當時我就email問大使館咁嘅Case 要點做，以下是回覆截圖:
回覆係媽媽帶住初生BB入境，係唔洗申請VISA，入到美國port會有入境人員幫手做手續。而US Consulate 都有呢個答案(但depends on which regions website) https://uk.usembassy.gov/visas/after-the-interview/child-born-after-visa-issuance/ 當時收到回覆都起碼知點做，但心覺有伏，所以我將呢個email print定出嚟傍身。
行理： 兩個大人一個小童一個BB，共7件，執得滿滿，將D物品帶定過去
出發。
當日去Check-in時，就係朝弟嘅Case花多左30分鐘，因為地勤人員唔無成日接觸到呢啲Case，好彩print定個email reply咁佢地可以reference，期間佢地打左幾個電話同美國入境果邊聯絡，最終都check-in成功。但意味住美國入境都要搞一倫…..
坐飛機。
帶住兩件細係辛苦啲，但佢地全程有瞓，我已經覺得謝天謝地。
期間我望出機外，我見到好長好長嘅公路塞滿晒車(望唔到盡頭果隻)，心裡面覺得真係好似美國啲Movies嘅畫面(咩好似，而家擺明exac7ly the same) 。
到達LAX 機場(Local time晚上9點幾)。
落到地，隨即打醒精神準備第一次入境。
例牌，美國大port嘅機場都係人山人海，搵隊排入境，排左5分鐘左右，我主動問First immgrant 應該去邊，好心嘅姨姨就帶左我地去特快~
緊緊張張咁拎passport畀佢，無估錯又係朝弟嘅case。係簽完我地有Visa嘅人，個officer 就搵左個senior 出嚟睇下咩料，封email又出場(主角)。之後，我地就被帶到傳說中嘅“黑房”…..
當時我唔知果間就係黑房，因為一啲都唔黑，一間正常嘅office咁，一邊係大堂畀人坐低等，一邊係office 窗口咁。但裡面嘅人面口就真係怪形怪相啲嘅。金毛、紋身、Punk咁，都有正常面孔同埋都有亞洲人，通常係入境有問題就畀人召入呢度。裡面係冇得用電話，所以當時我地都好心急，因為親戚係接機處等緊～ 而朝瞳爸簡直坐立不安。
入到去坐底無幾耐，有位Chinese office示意叫我地去窗口，畀番朝弟啲文件佢睇，之後佢就開始做手續，無問我地問題，但都等左半個鐘，最後要影朝弟影張證件相，但入左office裡面，見到有人被上手扣，我即刻攬番實個仔定下驚先～影完相再等多10分鐘左右，佢就出左張入境紙畀我地～總算完成
但! 個officer 打錯左朝弟嘅出生地！係Taiwan,China Republic ! 慘不忍睹，但果時已經係晚上11點幾，親戚在等，我地就唔出聲，諗住遲下自己再搵department改。
出閘：
拎番行理出閘，擔心會唔會畀人check bag～但過通道果時都冇人理，即刻放鬆～再見埋親戚，First Land 都叫順利完成！
