📍Preikestolen, Norway | 聖壇岩, 挪威紀念一下廢青如我都可以成功征服挪威三大奇岩之一 — 聖壇岩。事先上網做過好多功課話小朋友都適宜行呢座山，應該冇問題，咁沿途真係見到啲小朋友同狗仔行嘅。點知行到1/3就開始嚟料喇，成條trail好多都係行唔平坦嘅大石路，中段仲有啲地方要攀石，差唔多九十度咁攀。我一手拎住個包，一手攀石，不停懷疑人生。
好多遊記都話呢度老少咸宜，邊度老少咸宜呀睇過﹖都要慎重警告吓大家：平時冇做開運動嘅懶惰型廢青，一係就拉吓筋，做吓熱身先上去，一係就唔好自己一個去喇。可能對你嚟講呢段路一啲都唔難行，但對廢青如我就好艱辛。行緊嘅時候不禁諗：算啦你都嚟咗，咁辛苦不如喺度折返啦，但最後都係上咗去。上到舊石度仲多人過花墟，但唔係好多人敢坐埋崖邊，我就一路腳fing fing一路食包，嗰種adrenaline真係幾辛苦都值。
:earth_americas: Fun fact：Mission Impossible都喺度拍過
