「俾人帶風向啦」/「我地就黎輸喇」
寫報告碎碎唸系列之三

我成日都會諗,一個運動入面,點解會成日咁容易會俾人帶到風向。
每次我諗到最後都覺得一係就全世界問題(人性的弱點),一係就同本來既環境同教育有關。香港,無論本來既設定已經有幾唔公平,我地學會接受,學會安慰自己話路不轉心境轉,所以不斷每一日都同自己講,只要跟住規則同本子辦事,就唔會衰得去邊。我地既教育係填鴨式教育,我地既考試就係有晒標準答案。總之一切都要按部就班,一步步跟住行,我就會俾屋企父母先生同上司話我,呢個人生,真係好似好成功。
所以當突然去到一個局面,唔可以再照本宣科,我地要決定呢一刻做乜,應該要求啲乜,我地企左係度,唔識反應,亦都唔想做任何艱難既決定,因為做決定,到時錯左,就要負責任。唔係自己一開始提議既,到最後就可以推卸責任。個個都可以表示中立,或者甚至都唔想思考,總之有人可以做汪洋中既一個水泡,一於攬住左先。到最後…

