曾幾何時,我日日係咁煲王菲既歌
讀書又聽。考試又聽。
拍拖又聽。失戀又聽。
某十數隻歌,直頭熟到唱 K 都唔駛睇電視畫面(走唔走音就係另一回事)。真係認真果句,恰埋眼都識唱。而正正係咁,我先係兩三年前,好認真咁為佢最紅既一堆歌,寫左個詞評系列。呢個可能係係香港入面,(個人認為)寫得最認真最嘔心瀝血既詞評,歷史上又稱為十評王菲(自 high 中)。
一共係10 + 1(1 係Bonus Track,但呢個只係藉口黎。其實根本就仲有好多歌想寫就為都要屈多首落去。)不過可能因為 Medium 既關係,我開左接近一年,大家都似乎睇唔到我果堆認真文。唔緊要!我今次岩岩公幹返黎香港,攰到咩都唔想做,係機場見到香港呢種死人又潮又濕又落雨既天氣,我決定再一次將呢個系列推介俾大家。
有時咩係經典?好簡單。就係你一見到歌名,就已經耳仔自動有Play 掣禁左。可能係前奏幾個音,或者係直入副歌。希望總有一首王菲你會鍾意。當然我更希望以下咁多首,你都同我一樣咁鍾意聽。即刻去歌。
排名係以我喜愛既程度排序:
1. 曖昧
2. 約定
3. 如風
4. 給自己的情書
5. 償還 / 紅豆
6. 愛與痛的邊緣
7. 暗湧
8. 執迷不悔
9. 冷戰
10. 郵差
有興趣睇下其他寫既詞評,請即 Follow: