1. 未出發去台灣，喺香港被問得最多嘅係：
「吓，你去台灣唔怕打仗咩？」
我同你講：「一秒都冇怕過。」
之前冇，嚟咗咁耐冇，我亦相信以後都唔驚。
現代嚟講，冇兩個國家嘅戰爭，只牽涉嗰兩個國家。最終一定係勢力、聯盟之間嘅對抗。一邊文明國家sssssss，另一邊就俄羅斯北韓伊朗中国加埋啲窮撚國家，其實邊有得打。你睇下俄羅斯打烏克蘭輸到九個一皮……與其要用武力侵佔，倒不如搵駭客駭咗台灣啲發電廠等佢日日大停電，令佢經濟終生癱瘓，簡單慳錢又有效。
我更希望共產黨聽日就出兵打過嚟，幾日甚至幾個鐘有賽果，大家往後三幾十年唔使再講「中共有機會攻打台灣」。而家啲大陸佬日日用把口打飛機，霸住新聞啲時間。
前排美國議長佩洛西嚟台灣，好大件事咁。所有發訊息問我嘅，清一式香港朋友，遠到喺荷蘭嘅表哥，平時幾乎唔聯絡，佢居然煞有介事同我講開戰嗰陣可以去荷蘭投靠佢（希望佢知道荷蘭並唔係喺高雄隔離，係要搭飛機去嘅）；喺台灣嘅朋友，好多根本 don’t give a fuck。台灣整個政府、總統、主要政府官員，盡力維護主權，保家衛國。咩打仗啊、入侵啊，我呢類升斗市民唔想、亦唔需要操心，生活得自由自在，安枕無憂。
國家畀到安全同信心人民，人民自然可以安居樂業，發揮專長貢獻社會。某啲地方要時時刻刻擔心濫捕鳩告，零自由，食個飯又要打幾針又盛，終日活喺恐懼不安中，有錢又有咩用？仲有啊，如果台灣畀人打，你覺得身為中国一份子嘅香港可以獨善其身，唔畀人制裁？
相比打仗，我喺台灣怕停電同畀電單車撞傷多啲，前者試過、後者偶爾見到。
________________
2. 喺高雄生活十個月，無咩重大唔習慣、水土不服。唯一同香港最唔同，到今日仍然覺超級古怪嘅，係陸上交通。
3. 高雄超級多電單車。好多好多好多好多，高雄市登記電單車200萬架（註），全市250萬人，扣咗細路後，即係平．均．每．人．一．架。如果你想要比較嚟拎啲感覺，香港有 700萬人、登記電單車 10萬架，平均 70個人先有一架。所以高雄真係好好好好多電單車。
而高雄市所有車（私家車、貨車、電單車），夾夾埋埋300萬架，電單車佔咗70%。我目測，99%電單車係綿羊仔，叫普通重型機車，烈火戰車、賽車類大型重型機車少見，大概一個星期見到一架。
台灣機車＝香港電單車，台灣又有種嘢叫電動單車—真係用電嘅單車，為免混淆我以下就寫返香港用字「電單車」。至於普通重型、大型重型呢啲字眼，堅係好混淆。
