Facebook 專頁有更多短文: https://www.facebook.com/ivanliresearch/

40歲生日睇到呢篇文,特別開心。唔止,去到50歲以上,係三四倍添。忽然覺得人生好有希望。

可惜影唔到佢條褲

大家聽過太多初創少年得志嘅故事。Facebook小朱唔使講啦,三十歲出頭已經就快有錢過畢菲特,仲有上咗Miranda Kerr搞Snapchat 嗰位(我從不直呼直名)。矽谷唔講經驗,唔論資排輩,後生仔先知潮流,廢老係負累嘛。聽聞好多矽谷才俊,要整容植髮扮後生,幾廿歲人笠件黑Tee著對New Balance咁 (不禁令我諗起李澤楷嘅卡其褲同平頭)。事實係,如果Elizabeth Homes唔係咁後生咁靚女又名牌大學,係一個五十歲嘅大陸阿叔,肯定冇咁多人信佢咯。

矽谷奇人Peter Thiel (呢個真係奇人,但在香港知名度唔算高)都有錢畀初創,十萬美金 — 但首先你要未夠廿三歲。正路地整件廢老打呔搞初創,係十分趕客嘅。搞初創同搞數學搞革命都好,係屬於年青人嘅。好似係,除非唔係。

數字就話你知,好似唔係。大家只係對年少得志嘅故事特別有印象,唔記得仲有一大班人係四五十先發蹟。一般嚟講,其實領域都係,真係話一早成名嘅,其實好少話早熟早殘(除咗個別有啲早死嘅),好多去到中年後有更大成就。而矽谷都不例外

最新案例研究,發現其實初創公司嘅創辦人,平均年紀係四十五歲。而五十歲班友搞嘅公司,成功機會比起三十歲嘅係高一個開。應該話,創辦人五十歲先搞嘅初創,佔咗總數2.5%,同三十歲搞嘅一樣。但可以成為0.1%頂尖企業嘅機會,五十歲嘅,係三十歲嘅1.8倍 (文入面嘅表任你玩,鍾意set幾多歲都得)

所以廢老加油,唔使灰心。年青人就唔好太驕傲。唔止係老嘢低估自己成功機會,而年青人高估。仲有就係投資者似乎唔識貨,對年青人太多幻想,忽視咗廢老初創。唔好畀啲青春純真呃咗你,否則係社會嘅損失。

表面上呢,年輕人應該係比較易接受新思維嘅,亦都比較精通最新技術,亦都知道同輩比。但掉轉講一樣啱,中年人有社會經驗,有人脈,見過風浪,識得管理 — 重有最重要嘅:有錢。

呢啲咁嘅口水戰,同茶餐廳阿叔講波一樣,個個都係專家只係鬥大聲。所以數字重要。研究人員搵咗差不多三百萬間初創出嚟,創辦人平均年紀係42 歲 。

咁但,呢堆初創,唔止係科技公司嘛,包埋餐廳整指甲之類。所以,收窄啲,只講科技公司(雖然有人質疑點解送外賣都係科技公司 ,但應該算係的)。唔止,再收窄啲,只計0.1%最高增長嘅公司。

結果係點?應該後生啲?唔係,剛好掉轉。乜初創都計晒,創辦人平均年紀係42歲。只計最高增長嘅科技公司,平均創辦人年紀係……45歲。

如果睇成功畀人收購或者上到市嘅呢?仲勁,平均係47歲。

事實話你知,經驗,都係寶貴嘅。茶餐廳阿伯式嘅爭拗,當然兩邊都可以有道理,睇邊個夠大聲邊個夠得閒。你話冇經驗外行人去做一定撞板,我話冇經驗先識跳出框框唔會冇想像力。但事實證明,搞初創,在嗰個行業有幾年經驗嘅,成功率先高,

有趣嘅係,點解啲天使投資者私募基金之類,仲係鍾意押注落小朋友度?原因又係錢作怪。因為老嘢自己有錢,相對地唔太等錢使,你入股,條件實唔靚仔。後生仔呢,有 idea有熱情但冇錢,亦都可能未見過大錢,所以啲天使投資者私募基金鍾意投小朋友 — 因為容易平價拎到大舊股權。


我知聽落好賤格 — 但即係同啲阿叔鍾意溝中學生/大學生差不多咯。固然好多新一代係食靜岡蜜瓜食到厭,但仲有唔少係窮嘅。我見有啲話幾千蚊走去走運毒,對佢嚟講你一個月畀一萬幾千佢好多好多錢架啦 — 同年啲花O靚仔可能兩三千零用咋。(或者再賤格啲,即係同啲鬼佬去柬埔寨緬甸老撾搞小朋友差不多咯,你幾千銀,等於佢成年收入了)。

亦都所以,中國人嘅智慧話女要貴養,係有原因嘅(鬼佬有冇呢樣講法?)。仔要平養,等佢唔好細細個使慣錢,要知道自己想要嘅嘢自己努力買。女就要貴養嘛,細細個餵宮崎芒果畀佢食(會唔會變肥婆?),等佢唔好第時人哋帶佢去食幾千銀奧媽卡些就濕晒(感動流眼淚啫)

作者認為結論就係,呢種「自古初創如明將,不許人間見白頭」嘅諗法,令到年青人冒咗不必要嘅險,而中年人就低估自己嘅食力。

都係嗰句,四十歲生日睇呢篇文,令我充滿希望呀下。真係見到人哋成功好似自己都得咁。即係好似睇波見到人哋一扭三以為自己練幾年都學到七成咁。

Facebook 專頁有更多短文: https://www.facebook.com/ivanliresearch/

航海家手記

國際金融,外行人可懂,本地金融請睇「中環鐵塔」。幫唔到你發達,但提升到你水平。星展年代份大作嘅名,A Ship in Harbor Is Safe, But that Is Not What Ships Are Built For。唔講唔錯,但有乜謂?

Ivan Li 李聲揚 - 華麗后台

Written by

葉念琛,張小嫻,勞蘇,小企鵝,東歐。主要都係鍾意錢。去過下切爾諾貝爾同瓦努阿圖,教過下書,撈過下投行,最愛始終係寫文。相信香港人好醜陋,相信社會需要不受歡迎的言論。相信人生如現場睇波,買平飛嘅人噓得最大聲。 Facebook page: https://www.facebook.com/ivanliresearch/

航海家手記

國際金融,外行人可懂,本地金融請睇「中環鐵塔」。幫唔到你發達,但提升到你水平。星展年代份大作嘅名,A Ship in Harbor Is Safe, But that Is Not What Ships Are Built For。唔講唔錯,但有乜謂?

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade