個個BNO話唔好脫歐，唔通留低真係有著數？

今日23號，又係投票嘅時候喇！不過今次係歐盟(EU)。作為異星人，可以喺英國投票，今次可能係英國最後一次歐盟投票。我覺得，今次投票象徵意義重於實際，主要係表達係唔係重想脫歐。好似好多異星人都想留喺歐盟，但係歐盟對BNO有乜好處呢？

今日香港有大灣區，英國就有歐盟。究竟結盟能夠帶嚟幾多「机遇」？我一直認為，香港同英國唇齒相依左咁多年，就連遇到嘅社會問題都差唔多：國力不同，人工不同，而EU人自由流動；就算係低人工工種都可以吸引一啲比較落後既國家過來打工而唔須要有簽證。所以英國見到落手落腳做嘢嘅基層都係EU人。反而我去德國慕尼黑係有本土老人家做待應，做服務業，真難明？！

講返就業市場，英國既異星人（BNO），唔算係英國人，更加唔係EU人。同之前三等艙生活所講，EU人係同BNO搶飯食嘅尊貴市民，比異星人高級。你起碼要五年先返身。但係你記住，佢五年之後，其實係同你平起平坐。除非有日BNO平權，或者英國政府特赦，否則脫歐只係可以繼續行「哎呀」歐盟通道入境（歐盟e道除外，什至比人叫你返去non-EU）。依家好興今日乜乜，明日77，咁唔知可唔可以話今日英國，明日香港呢？其實我仲未好明點解要留EU。

雖然長篇大論，但係其實都係希望今日係英國嘅異星人會出嚟投票，使用你僅餘BNO嘅權利。就算你政見同我不同，我都希望你能夠投票。而唔係好似以前喺香港，要含淚投票。

抱歉懶惰左成個幾月，嚟緊將會勤力啲寫文。真係俾多一啲移民前參考嘅資料大家。記得投票，多謝！