雞貴定龜貴?英國人工貴定香港人工貴?要交幾多稅？
Published in
4 min readJun 5, 2019
出得來行（尤其係做左幾年野既人），番工梗係要講錢。今日同大家講下英國同香港嘅人工比較。主要有以下唔同：
。地區 。稅收
地區
文化有啲唔同，即使個Title一樣，人工可以差一截。而有時候，只係因為你住得遠。而尼個遠唔係因為你住元朗返中環，而係200英里（即係321公里）咁遠，太約係香港同高雄嘅距離一半到。IT人時時四圍走，就用來比較一下
倫敦同曼徹斯特，年薪足足差咗10%。BTW，呢度人工係講年薪，唔係講月薪。喺香港，你無返五萬蚊一個月都唔會同人講年薪。
反觀香港，用返年薪計，睇落好似同曼城差唔多。45k x 12 =540k
其實一般公司係倫敦係會比唔知乜乜物物津貼，夾夾埋埋變成人工一部分，所以人工就高一節。但係咪諗住好好使，因為倫敦物價貴，主要係租樓嗰度，有啲人可能喺香港都租屋，咁就有數圍。呢個下一篇再講。
稅收
真正既收入，係稅後。稅就比香港複雜，公司比你既醫療福利都會收稅。反觀香港，最常見公司比你既房屋福利（公司宿舍/公司幫你交租）會收稅。
喺香港，你最多可能交稅1x%，就算你多瓣數的話，都好少會超過20%。喺英國，只要你要交稅，就已經係20%。如果你係有返咁上下經驗，搵到有番咁上下嘅工，你就會跳到一個香港前所未有嘅稅楷： 40%……甚至45%，蘇格蘭重收多啲。再加上英國係有銷售稅嘅，另外加埋國民保險（其實就係退休金＋醫療福利），所以人工分左一半比政府係好正常嘅。以下係英格蘭同蘇格蘭稅收既列表：
睇到尼度，係咪實際減左差唔多一半呢。所以真係要考慮下，人生唔係可以移民好多次。
仲有一樣好重要嘅係，係異星人未成為英國人之前，個Visa都幾千鎊。有啲公司甚至乎一蚊Visa錢都唔俾你， Visa自己出，差啲連文具都要帶返工咁滯。呢個Visa遲啲次再講。
