【IELTS雅思8.5分】電腦試 vs 傳統筆試-詳細分析

小弟IELTS筆試考過兩次（一次係大學去英國exchange要考，一次係大學畢業免費考)，而電腦試就考過一次，正是最近一次2020年7月就去咗旺角 idp centre考IELTS computer-based test考咗8.5分，所以都算有資格同大家分享吓親身經歷，比較一下，考電腦試好還是考筆試好。

內容

電影試同筆試一樣分為4個部分，內容一樣，無難易之分。

形式

筆試：多數係喺一間酒店既宴會廳考Reading Writing Listening，用官方提供既鉛筆擦膠同草稿紙去做，自己唔使帶文具。Speaking就係一間酒店房入面一對一（唔好諗歪 lol）面對考官真人，確實幾多點考就當日先通知，冇得自己揀，事前只知道係下午考定第日考。

電腦試：Reading Writing Listening就係係一個電腦中心，自己對住部電腦做，隔離其他電腦面前有其他考生都同你考緊IELTS。Speaking都係係返一個center另一間房，同筆試一樣，都係一對一真人面對考官。佢既Speaking可以揀考上午考定下午考，報名時已經可以確定考試時間，比較自主同flexible。

成績幾時出？

注意，如果趕住要考試result既同學仔就應該報電腦試。因為電腦試考期較多，快D有 result（一般3至5日就有），筆試就要13日後。

電腦試好過筆試

一句講晒，電腦試好過筆試，主因Writing部分特別有利。如果有睇本系列或者小弟youtube channel就知道，入試場前，就應該袋定一d罐頭答案同句式入場。要訣係，睇完題目，諗起邊D罐頭句式/vocab用得，盡量打晒落去先，組成左骨幹，然後先開始慢慢組織返篇文出來。

因為電腦試可以用cut and paste之後再搬位，筆試就要晒時間起大綱時寫落草稿紙。同埋，大家都可能有試過寫左大半篇先想掉換句子次序，咁一係就擦晒佢，一係就加箭咀搞到好亂，電腦試就可以cut and pasge一鍵搞掂。

Reading一樣，有D題目原文抄錄單字做答案，如果筆試搬字過紙可能有機會抄錯，串題字，而電腦試可以用copy and paste直接搬答案去answer sheet，咁就保證一定唔會錯。

Listening反而筆試好些少，因為如果有睇小弟listening全攻略既讀者朋友都知道，我會建議大家係答案欄旁邊寫低詞性。