人大了，關於大學學位，我想跟正在讀副學士的你說的三句話

最近田太忙於照顧一班讀緊副學士既同學仔，對於我哋兩個讀書都算順順利利嘅人嚟講，呢班 DSE 失利嘅同學仔真係我哋人生之中比較少接觸嘅一群。

田太同我講，呢班同學上堂嘅態度都算幾兩極， 好勤力想透過副學士入返大學嘅有， 早已放棄人生諗住 hea 嘅埋呢一年半載嘅又有， 早就攞咗conditional offer 覺得自己有 city U offer 已經好威威、呢半年唔使讀書嘅亦有。

關於讀唔讀大學、讀邊間大學好嘅問題，喺畢咗業十年之後，我想對讀緊副學士嘅你講我 3 個睇法， 雖然而家未必好啱聽， 但係過多幾年，你就好可能會同意我嘅諗法喇。

讀大學唔知有無用，但讀大學仍然係保障工資起點嘅最好方法

讀大學生對人生有好多唔同嘅好處， 當然大家可能最關心嘅就係人工啦！

無可否認嘅係，無論任何學系任何大學，大學畢業生平均工資都要比副學士都要高，睇番最新近嘅調查，平均要高出 $1,000 或者 8% 左右。