你……仲記得自己的初夜嗎？
我好記得。
2001年3月3號，星期六，讀緊大學二年班。記得咁清楚，皆因嗰日係一個酒肉朋友嘅生日，我同當時女友會去佢嘅生日會──呢個女友就係傳說中嘅港女女友。生日會喺尖沙嘴廣東道糖朝附近間加州紅（而家梗係無咗啦，乜廣東道而家仲有正常香港人出沒㗎咩），晚上十一點。嚴格嚟講，都唔可以叫生日會，叫劈酒大會仲貼切，皆因無論係邊個生日或者有乜嘢喜慶，基本上都係同一班人做同一個動作，就係飲酒、猜枚同埋嘔。
點解我會鉅細無遺咁記得咁多嘢，我唔知。反正我腦袋仲記埋好多無謂嘢。
我嗰陣仲住喺重慶大廈。請收起你驚訝的眼神，合埋張開咗嘅口。重慶大廈除咗咖喱皇、咖喱王、咖喱帝王、咖喱皇帝、咖喱帝皇、新咖喱皇、印度咖喱皇、咖喱印度皇、好多賓館宿舍同138種國籍人士外，其實有好多土生土長嘅香港人（指黃皮膚嘅人）住。我係其中一個。
食完晚飯，八點幾，距離生日會仲有兩個鐘，同女朋友返咗屋企。我哋拍咗拖大半年，佢亦上過嚟我屋企唔只一次。女友拍過拖，亦唔係處女；不過我哋之前無搞過嘢（搞過嘢點使寫呢篇文呀），最多係打兩個茄輪，至盡係攬下，再頂多係伸隻手入去摸下咁，極其量只係大家互模咁。無口爆無射精無顏射無胸射無潮吹無肛交。對於一個中四暑假先學識打飛機嘅人嚟講，呢啲已經係行得好前、好邪惡嘅事。有拍過拖嘅同學之中，我應該係最遲破處嗰個。
好咧，上面用咗七百字交代無謂嘅嘢。
我無預謀喺嗰晚幫自己破處。因為唔係好知點開口，第一次係緊張啲。
「不如扑嘢？」好粗俗。
「請問你是否願意和我做愛？」好老土。
「行房吧？」同「行刑吧」有點相似……還是不好。
「一起交配？」一起森巴舞？交配活像低等禽獸等待繁殖。
更加重要係，我之前問過……不過畀佢一口拒絕咗。
奇怪嘅係，我畀佢拒絕嗰晚，明明係佢叫我買避孕套。買完又唔肯做，即係想點？分開嚟做，啲套要好似紅酒咁倒出嚟唔可以即刻飲，抖下氣先？諗咗好多年，諗到今日都唔明。
我當然有諗過，真正做愛嘅時候，應該用乜嘢花式。多得直樹舞子、小澤圓，我知道人類史上做愛最常用嘅招式有三招：傳教士（男上女下）、觀音坐蓮（女上男下） 同埋 老漢推車（唔明我都唔知點解畀你聽。咪老漢推車囉！考幼稚園嗰陣有問㗎喎！）。當年嘅日本鹹片比較純情同單調，所以招式並唔係咁多花款，角色扮演最癲只係去到金沢汶子扮學生妹，乜嘢龍舟掛鼓、企喺度扑、百人斬中出痴漢放尿屙屎夫目前感謝祭潮吹等等，係好後期日本人玩到無嘢好玩先發明。
三招，一二三。我諗第一次最起碼要用．晒．三．招，最好嚟幾個循環，跟住一晚射兩三次，完。
真係諗起都開心同興奮。
又講得遠咗。食完飯去咗我屋企。又未夠鐘，好撚眼瞓，於是我提議瞓陣。熄咗燈，我借啲意攬住佢，跟住做一般情侶會做嘅嘢：除衫、錫、除衫、錫、揸、錫、再除衫、揸、揸、錫、揸、錫、揸、錫，跟住我搞濕咗佢。搞咗好撚耐，連我都濕晒。
