《人情計算機》
Sep 6, 2018 · 10 min read
原來我喺Medium無放過呢篇文,但簡介又介紹自己係文章〈人情計算機〉嘅作者……感覺似啲model話自己有36E但IG一張show胸嘅相都冇咁。為免觸犯商品說明條例,而家又將〈人情計算機〉炒一次冷飯……呢篇文係2009年作品,經歷無數次炒冷飯,到今日依然(自以為)歷久不衰。
───
踏入九月,又係瘋狂飲宴之時。每年嘅第四季可謂擺酒嘅高峰,記得三十歲頭,隔個星期飲一次,幾乎密過返工。踏入四十歲,要結嘅朋友已經結晒、離嘅亦開始搞緊手續……一年飲五六次啦,少好多嫁咧。
講真,我好中意去飲:
- 自己應該唔會有得請人飲(有嘅話真係比悲哀更加悲哀嘅悲哀)-就算要結婚都唔會擺酒。
- 成日喺人哋結婚見番啲失散多年嘅親戚朋友,聚下舊好開心。
- 香港人最中意睇人仆街。睇住你朋友仆街,賞心樂事也。
-…


