歷史101：《文青這種生物，自古就有》

令人眼前一亮嘅中史入門書。

事緣呢本書出現過喺我之前寫嘅小說入面，但其實我嗰陣都係求其上網搵咗本書擺落去，呢排見悶悶地就開咗嚟睇下，結果又幾驚喜幾吸引喎。

雖然我喺往年嘅文入面提過好很多次，但都喺度不厭其煩地回個帶：

雖然我高中讀中國文學，大學讀中文，但係我嘅歷史一直以嚟都係奇差無比。

中四嗰年，我為咗吹文學賞析吹得似樣啲，先夾硬背咗個朝代表入腦。歷史知識僅僅夠我match到啲S級人物（例如孔子、屈原、李白、柳宗元、蘇軾）係咩朝代嘅人物，其餘嘅嘢一概不曉。