反送中一仗不是Endgame

唔知幾時開始，反送中這一仗被稱為Endgame。我覺得這一仗當然是重要的，但是，在網上看到一些論調，話今次就是Endgame，抗爭之路到此為止，講到惡法通過後便一副放棄嘅樣，我實在唔認同咁樣嘅心態。當然，惡法如果通過，抗爭風險便會大增。但我哋係咪之後就唔再抗爭落去呢？

在連登有人post黃背心運動的資料，黃背心運動成員人數僅數千，但是策略奏效。他們將抗爭日常化（每周周末抗爭）、不正面對抗改為滋擾遊擊，逼使第三方向政府施壓等。我想，這大概是我們需要學習或參考的，但兩地情況不同，如何在地發展又是另一回事，但可以作為日後抗爭方向的參考。當然，目前這一仗，我們還是要站出來的。

遊行過後，看到許多人說漂亮的話，一張相配一句caption ：今晚嘅香港好靚、香港人好勁、香港人係得嘅⋯⋯或者講一啲浪漫（略帶矯情）嘅話，但求心安理得、問心無愧（隱隱覺得有點不妥），而無諗過贏（或者已經打定輸數）。但還是有一群人係諗住贏的，心態不同，打法都唔同，無話邊個係鬼，但有一群人做了更多的事，他們不應被責。

浪漫，造就了一時的氣勢（某程度上是需要的，尤其是傳播上），但係會唔會同時消解咗抗爭的力量及思考呢（可能本來可以做得更多）？這是一個縈繞我一段時間的問題，我至今沒有答案。

但是，今仗絕不是Endgame，之後還有很多仗要打的。

如果你想打。