阿仙奴對曼聯,印象中自從韋拉、堅尼、雲佬等一代人退下之後已經冇咗嗰種腥風血雨嘅味道。不過今晚呢場波,真係好.撚.好.睇!
全場數據阿仙奴射門 33 次,其中 15 次中龍 (曼聯射 8 中 4) ,角球 12 次 (曼聯 1 次),控球比率達 75% ,傳球數字 655 次係曼聯嘅三倍;但入波只係得一個。你可以話曼聯門將迪基亞係神,你可以話阿仙奴班友仔冇運係咁射柱,但係成場波嘅戰術走向都係好關鍵。