有自唔在英格蘭 攞苦嚟辛修夫基

如果有睇過瑞典喺世界盃次圈對瑞士，又或者分組賽對南韓嘅賽事嘅話，球迷應該唔難知道瑞典隊嘅實力有幾多斤兩。雖然咁樣一講，作為意大利球迷嘅賴叔就自挖意軍喺附加賽輸畀瑞典、緣盡決賽周嘅創疤⋯⋯但以瑞典嘅實力去到世界盃八強，真係超額完成。

對於睽違世界盃四強達 28 年之久嘅英格蘭嚟講，喺分組賽最後一仗輸畀比利時可謂求仁得仁。捱過哥倫比亞一關之後，無論對瑞士抑或瑞典都一定易食過對巴西。之但係，英格蘭喺八強戰面對瑞典，即使並無傷病或停賽問題，面對瑞典仍然踢得相當吃力。如果唔係門將碧福特下半場兩度救出險球，英格蘭能否 90 分鐘內勝出都成問題。

好波，仲要好運

世界盃八強最後兩個席位名花有主，巧合嘅係瑞典同英格蘭都係喺優勢唔太明顯、有少少運氣嘅情況下晉級。

頭場嘅瑞典對瑞士，兩隊喺分組賽嘅表現都係不過不失，瑞典要多得墨西哥六分在手自亂陣腳先可以輕鬆贏三粒出線；瑞士喺分組賽迫和過巴西但表現唔係特別搶眼。喺兩隊波嘅質素都係有限公司嘅前提下，場波變成「睡典」對「睡史/睡事」都係意料中事。

瑞典反擊效率叫做高少少，科斯貝治禁區頂抽射省中敵衛改變方向入網，又係有啲運仔。瑞士本身埋門質素普通，遠射唔係太正就係炒高，高空攻勢對瑞典威脅都唔大，結果近六次出席世界盃決賽周，有五次喺十六強出局。

比利時眾志成城，技壓森巴入四強

由法國晉身四強嘅一刻計起，球迷有 120 分鐘幻想如果上線嘅四強大戰係法國對巴西，或者係法國對比利時，會有咩唔同嘅過程同結局。如果你問我，我會話法巴大戰係 1998 年世界盃決賽嘅復仇戰，尼馬同麥巴比要為爭奪下一任球壇皇者嘅地位而努力；至於法國對比利時就係左鄰右里嘅華麗對決，成班英超球星熟口熟面，迪布尼、夏薩特同普巴、簡迪喺中場鬥個你死我活。

But before that ，巴西同比利時之間首先要來一個了斷。一隊係東山再起，擺脫四年前主場兵敗德國七個一皮嘅創傷；一隊係黃金一代，前中後三線盡是英超勁旅骨幹成員。巴西沿用一貫嘅 4–2–3–1…

西式時光倒流二十年

世界盃次圈喺香港時間晚上十點同深夜兩點舉行，對於球迷嚟講，十點場絕對係黃金時間。第一晚嘅法國對阿根廷上演入球騷，雖然法國一度不思進取，畀阿根廷胡裡胡塗反先二比一，但係阿根廷嘅豆腐防線始終係美斯緣盡世界盃嘅關鍵。

如果第一晚球迷食咗精緻嘅頭盤，咁第二晚嘅主菜就恐怕唔太見得人。主辦國俄羅斯對西班牙，因為一個角球攻勢，由 38 歲嘅中堅伊拿舒維治擺咗史上最年老嘅烏龍球；又因為一個角球攻勢，西班牙中堅碧基犯下手球，俄羅斯中鋒蘇巴射入十二碼扳平。

法比終極一戰，只差一個轉身

如果話法國對比利時呢場世界盃準決賽係冠軍前哨戰，我諗都冇咩人會反對。兩隊喺今屆賽事越戰越勇，球星雲集之下衍生多個矚目對碰，就連教練團中都有迪甘斯對亨利，邊一隊贏波，入到決賽對英格蘭或克羅地亞都應該值得睇高一線。

法國今場有中場馬杜迪坐完波監回歸，杜利素可以返去坐板凳，其餘人選維持不變，照舊一個典型嘅 4–2–3–1…

「無人生哲理能急救你」

書展又嚟喇，又係大家諗下去唔去買新書、執平書或者搵作者簽名同合照嘅時候。今時今日，博客來、 Book Depository 以至 Amazon 等網上平台買書往往比喺門市平兩三成，除非書展出現跳樓價散貨，否則精打細算嘅朋友未必會專誠去會展一趟。

無論係去書展抑或係去書店，有時大家都係想去搵啲嘢。搵乜嘢？事前你未必知，事後買咗書，就當係搵到答案。生活入面有咩問題，最近有咩煩惱，行過書架見到《原來你非不快樂》七隻大字，彷彿有個人向你招手，請你聽佢細細聲講故仔畀你聽，然後你如釋重負，一天都光晒。

「我對希望沒期望」

有冇試過，無論你為一個人點樣出盡奶力，使出渾身解數，佢始終唔滿意、唔高興、感到失望？不論佢哋係你嘅另一半、兒女定係上司下屬，你都可能跌落呢個「期望移動龍門」嘅陷阱。

或者更準備啲講，呢個係一間喺升降機入面嘅酒吧，英文名叫 “Expectation Bar” 。

喺世界盃殺入四強嘅英格蘭就係其中一個最好嘅例子：決賽周開始之前，無論係當地傳媒抑或球迷，都認為呢隊近代最缺乏星味嘅球隊，喺俄羅斯應該好快出局、提早打道回府。殊不知有運又好，球員合作得宜又好，英軍踢下踢下居然入到準決賽。

唯快不破，亦要量力而為

奧林匹克格言：「更快、更高、更強」。放諸綠茵場，速度更快、技術更高、體魄更強，基本上說明咗基斯坦奴朗拿度嘅成功之道。但對於凡夫俗子嚟講，奧林匹克格言可能係另一個 Impossible Trinity 。喺世界盃次圈挑戰巴西嘅墨西哥，正好面對呢個難題。

墨西哥喺分組賽對德國一役，憑藉快速反擊、靈巧嘅技術同埋不惜體力緊迫對手，令應屆冠軍首戰即嚐敗績。巴西唔係德國，爭勝決心毋庸置疑，喺分組賽出線過程雖然稍有阻滯，但予人感覺仍然係游刃有餘。兩支美洲球隊狹路相逢，墨西哥被視為 underdog 都係理所當然嘅。

黑馬王子跑出 英軍超額完成

世界盃準決賽第二場，由英格蘭對克羅地亞。隨住法國以一個死球 (以及四平八穩嘅踢法) 氣走比利時，無論「三獅兵團」抑或「格仔兵團」打入決賽，都會扮演 underdog 嘅角色。英格蘭今場獲編配著主場嘅白衫，克羅地亞著作客嘅黑色波衫，符合佢哋「黑馬」嘅角色。

克羅地亞連續兩場淘汰賽都踢足 120 分鐘，先至憑互射十二碼擊敗丹麥同俄羅斯，但球隊正選名單大致維持不變，只係由波索域取代卡馬歷，加強中場控制力。英格蘭繼續沿用 3–5–2 (或說 3–3–3–1) 陣式，以史達寧輔助哈利簡尼攻堅。