《揭開 本能寺之變400年謎團》讀後感
簡單而言，是本書確實是值得日本歷史愛好者一讀。而像筆者這種從動、漫、電子遊戲等流行媒體「入坑」的業餘愛好者，就更值得一讀。
作者明智憲三郎，以「明智光秀後人」的身份化身「歷史偵探」，維繞著「本能寺之變」前因後果，一邊被流行媒體渲染的「通說」進行「打破」，一邊「鑑定」史料的可信性，也對「定說」的粗疏進行「梳理」，最後再按「常理」推敲把「可信」的史料連繫在一起。
筆者作為業餘愛好者，當然無法對書中的「鑑定」及「梳理」發言太多，但令筆者對各種「只聞其名」的史料加深了認識，如《信長公記》、《惟任退治記》等等的寫作及作者背景等等，獲益良多。
至於「推敲」部份，固然都非鐵証如山，而個別的猜想如明智光秀的動機、光秀與家康的結盟等等，筆者未能反駁認難以信服。但例如細川藤孝臨陣脫盟背叛光秀、信長部署要除去家康、秀吉掌握到光秀遲早舉兵的動向等等，雖無實証卻令人認為合情合理。
原因？簡而言之就是利害關係。
要進行「沙盤推演」，應先從事理本質去看。商業社會，要看的當然是利益，一字記之曰錢。有眼光的企業家、管理層、商人，跟有能力的技術、設計人員，分別就是在此而已，著眼點的高度基本上就決定了你看得有多遠。
技術人員喜歡從技術著眼點出發，比較科技產品時用技術決勝，睇spec睇feature set，未有從全盤科技產品生意的角度去看。備受技術人員追捧（包括筆者）的合作軟件Slack未能受惠疫情，Ivan Li 李聲揚 -君子馬蘭頭曾經評語「跟本唔掂」，即使筆者覺得Slack「好好用」也無法不認同。
（無他，盤生意真係有少少問題，你用過就知道，「識用可以好好用」，但你俾過錢就知佢盤生意咁落去唔係辦法。
簡單來講，佢個媽劇係邊？就係只剩唔多願意科水俾錢既Startup或中小企，企業巿場實在難以同一條龍及深受IT高層信賴既Microsoft Teams搶。咁大個餅你淨係咬得幾啖，仲要啲豆沙餡係哂人地果邊。筆者想科水俾Slack時，公司IT、Finance都輪流質疑「點解唔用返Teams？」，而當你科水時，你就會發現科水跟本買唔到幾多，「好似有少少貴」，你最愛既功能跟本唔科水都夠用。然後⋯⋯Github而家Integrate埋Teams了，點搞？又，唔係你以為Microsoft而買Github？呢啲咪「仙甩治」。）
同理反共青就以反共角度出發，認為當撈侵搞華為一定係因為「國安很重要」要好小心中共，而忽略兩國之間既利益關係⋯⋯Really？
基本上你站得夠高，「本能寺之變」好多陰謀論、「怨恨說」甚至「爭仔說」都很快站不住腳。光秀有任何原因要舉兵（例如復興土歧氏、不願入唐等等），最終部署亦一定係要奪取織田政權，難以只為洩恨而舉兵。
而不管係羽柴秀吉、德川家康以至細川藤孝、長宗我部元親等人之行動，基本上按其集團利益去推想，也可說是十不離八、九。
當然，「好多野係估唔到既」，但相對人地有分析能力及眼界，你估大家一齊估100次邊個中得多啲？此即埃汾常言「做CEO」同「落石屎」的分別矣。
