應該都有啲讀者發現我近來又少咗喺呢邊寫文章。呢度首先要同Patreon課咗金嘅讀者道個歉，本來話每個星期都要寫一篇，不過成個十月一篇都寫唔到，切咗腹先。
咁原因當然就係我自己踢曬腳，十月安排咗好多活動（有follow獅墨書店嘅朋友就會知道），亦都有好多研究工作做緊，所以都無辦法寫文。
又唔係話要幫自己搵藉口，收咗大家課金但係無貨交都責無旁貸嘅，要退訂patreon都絕無怨言。所以都交代埋，今年剩低呢兩個月應該都一樣無時間喺呢度寫文了。
事關一來為咗開飯同交租，最近都開始返正職，可以用喺香港古事記同獅墨書店嘅時間又更加少；
二來有啲朋友可能都已經知道，香港古事記嚟緊都會再出新書，而呢本新書必須要喺今年內寫完，新書預計11、12萬字左右，家陣都寫到8萬幾，仲有四分一左右，所以呢兩個月我都要預留時間寫埋佢。
呢段時間古事記會暫停出文，不過石碑資料庫仍然會繼續上載新碑文，獅墨書店都仍然照常運作。
就係咁，多謝諸位讀者體諒，希望出年時間鬆動啲可以再寫翻。
PS 隻羊係舊年喺荃灣清快塘影嘅。
