今日割五城明日割十城，係人都知，大家只係唔想做被割果個。

「光復香港 時代革命」（林鄭，2019）同埋「國歌」嘅諧音化，只係如實反映返「溫和抗爭者」／非「前線」嘅 #初衷 — — — 就係唔好企最前。

「溫和抗爭者」一年前會嗌「光復香港」，係因為大勢所趨，喺「前線」呢條保險線（aka死都係佢地死先）嘅保護下，嗌口號、主張獨立，係非常安全嘅事。「光復香港」為佢地提供咗情緒上嘅出口， #無成本又可以 成為抗爭陣營嘅一份子，就好似買贖罪券咁，何樂而不為？

一年後，街頭抗爭力量衰退，「前線」拉嘅拉、走嘅走、死嘅死，保險線一下逼到埋嚟「溫和抗爭者」嘅身邊，佢地點樣選擇？「溫和抗爭者」之所以「溫和」，就係因為唔願意企最前，所以當發現自己忽然企喺中國嘅 #紅線 面前，第一個反應就係後退。

街頭抗爭力量衰退唔係第一日嘅事；唔勇武一樣可以比人告都唔係。國安法對於佢地嚟講，就相當清晰咁劃出一條線，令佢地如夢初醒。

有啲評論話將口號同國歌「諧音化」係民眾懶叻、或者唔明白「今日割五城」嘅道理，我睇唔係。蟻民先無想像中咁蠢。