做數據模型前要先了解依家有咩投注種類
做數據模型前要先了解依家有咩投注種類，從而決定用咩做模型中嘅Y variable。
例如，你想做一個預測隻馬會唔會跑到第一，咁呢度講緊嘅就係獨贏，如果你想預測隻馬會唔會跑頭三，咁就係講緊位置。因為每個投注類別會有唔同嘅彩池同埋馬會嘅抽水百分比會唔同，所以要留意清楚自己想買啲咩，同埋落注前可以計吓預期回報（簡單啲去諗，就係勝出機率X賠率 — 落注成本）可唔可以達到你理想嘅回報。
我用馬會抽水嘅百分比簡單咁去分類，馬會抽17.5%嘅有獨贏（＝揀中第1名）、位置（＝揀中頭3名中的任何一隻馬）、連贏（＝揀中第1名及第2名）、位置Q（＝揀中頭3名中的任何兩隻馬）同孖寶（＝係指定嘅兩場賽事中都揀中第1名）。
第二類就係抽19.5%，只有單T（＝揀中晒第1名至第3名）同啱啱重推嘅二重彩（＝順序揀中第1名同第2名）。
第三類，亦係抽得最多嘅係25%，當中包括三重彩（＝順序揀中第1名至第3名）、四連環（＝揀中晒第1名至第4名）、四重彩（＝順序揀中第1名至第4名）、孖T（＝係指定嘅兩場賽事中都揀中晒第1名至第3名）、三T（＝係指定嘅三場賽事中都揀中晒第1名至第3名）、三寶（＝係指定嘅三場賽事中都揀中第1名）同六環彩（＝指定之六場賽事中都揀中第1名/第2名）。
另外，三T/四重彩同四連環仲要另外扣除7.5%/0.5%作為多寶儲備。除咗頭先講嘅彩池制嘅投注項目外，馬會都有提供固定賠率嘅投注種類，果樣就係騎師王。
如果考慮埋過關、膽拖同埋互串，就會更複雜，要計算好多conditional probability。建議從獨贏開始做，做個簡單嘅binary classification去試下水溫。
上述內容參考香港賽馬會官網內容（https://is.hkjc.com/AOSBS/help/ch/HR_Guide.html）
