上次講到Bill Benter，今次就講下佢嘅啟蒙老師，Ruth Bolton
係Bill Benter篇research paper — “Computer Based Horse Race Handicapping and Wagering Systems: A Report”，入面有專登推薦Ruth Bolton寫嘅文 — “Searching for Positive Returns at the Track: A Multinomial Logit Model for Handicapping Horse Races”，佢形容呢份報告係研究賽馬模型必睇嘅讀物。
到底Ruth Bolton有咩咁犀利呢？咁就要講番少少歷史。Ruth Bolton係1986年寫果份研究報告，當中提出咗一個史冇前例嘅諗法，就係用probability去量化一隻馬嘅贏面，係佢之前，其他研究賽馬嘅學者都係從賠率着手，計算賠率唔efficient嘅地方，從而賺錢。不過Ruth Bolton就唔係咁做，佢覺得應該由馬自身嘅能力表現同其他嘅因素例如騎師、練馬師去量化呢隻馬嘅勝算。呢個做法睇落冇咩特別，依家大把人做緊，個個都收集唔同類型唔同種類嘅data都係為咗可以更準確去量化一隻馬嘅贏面有幾大，從而決定落注要落幾多。但係想當年198x年嘅時候，電腦唔係特別發達，數據又唔係好organised嘅情況下，可以做到呢方面嘅分析真係相當唔簡單。而正正就係呢種革命性創新既諗法，斷定左日後Ruth Bolton係賽馬預測領域一個舉足輕重、不可或缺嘅地位。
