上次講完馬王，今日就講下騎師王啦！
騎師王係其中一種賽馬嘅投注項目，呢項項目同其他嘅項目唔同嘅地方就係佢嘅賠率係固定嘅，並且由馬會內定，而其他項目嘅賠率就係根據大眾投注嘅金額而定。騎師王仲有一樣特別之處，就係每個賽馬日（通常）只有一個騎師王，根據當日每場嘅賽果綜合而成。如果贏到一場冠軍，就有12分，亞軍就有6分，季軍就有4分。成個賽日累積最高分數嘅騎師就可以得到騎師王呢個獎，如果出現同分，就會兩位騎師一齊拎騎師王。
要數騎師王，有幾位人物不得不提。韋達同莫雷拉，呢2位人物都係香港賽馬史上嘅紀錄保持者。韋達從2000/2001到2012/2013，連續13年贏到香港冠軍騎師（全季賽事勝出頭馬最多嘅騎師），而莫雷拉則以96分成為歷黎最高分嘅騎師王。另外，近年黎仲有1位騎師都好受大眾注視，佢就係潘頓，佢從2017/2018開始連續3年獲得香港冠軍騎師，唔知佢可唔可以破韋達13連勝嘅紀錄呢？
