中環遊戲（48）
Daehwa俾咁多錢（我嘅機票、酒店、三餐，仲有P fee）叫我去Las Vegas出席CES，所為何事？
坦白講，其實我過去，真係幫唔到啲乜。
咁又唔係話乜都冇做過。我都安排咗兩隻1 on 1俾阿崔、又pitch咗幾段soundbite俾Patricia；要計ROI，佢哋條數一定喺返度。講到尾我都係專業嘅公關，呃飯食嘅行為，並唔係好符合本人嘅專業手則。
問題係，其實呢啲嘢，唔需要親身去Vegas，我喺香港都整到俾佢。佢哋如果真係咁想搵個跟班陪出陪入，我可以叫Jessica或者charlotte過嚟，其實作用一樣，毋須搵到我咁貴嘅人嚟陪笑。
我之所以有得開公數去旅行，完全係因為「辦公室政治」呢五個字。
大家有冇睇過電影《Margin Call》？當投行準備作出史無前例嘅「洗倉」行動時，佢哋點對已經「落鑊」嘅重臣？俾超高嘅時薪、額外花紅、並且軟硬兼施咁要佢哋乖乖哋喺公司會議室坐到收市為止。所為何事？係唔係放佢哋出去就一定會爆大鑊？
非也，此為鬼佬政商界非常流行嘅術語：No loose ends，即係「免除後患」、「無後顧之憂」。將我帶喺身邊嘅道理亦都一樣 — 就算佢用我唔著，都起碼唔會俾對手（阿都）有利用我嘅機會。我可以跟住佢行行企企、飲飲食食，但絕對唔可以變成對手手上嘅一件工具。爆唔爆鑊都係其次，但就唔可以俾佢有爆鑊嘅機會。
更何況，條數都係阿公錢，不使白不使。辦公室政治同政治最接近嘅一點，就係大家都要大量嘅冤枉錢去推動。
請移玉步往 Patreon 繼續閱讀；感謝！
雖然Medium已經改制一段時間，但呢度嘅拍手都可以幫到我將我嘅文字傳得更遠，希望大家都唔好吝嗇掌聲；感謝大家對文字創作人嘅支持。同時亦歡迎大家加入我嘅《IF 文章 PUSH》channel：https://t.me/ifpush，咁樣大家就可以以最快嘅速度、獲得我嘅文章更新推送；感謝大家嘅支持。仲有，希望有用Matters嘅讀者可以follow返我：https://matters.news/@herrfungP.S.: 最近有文友反映，用「IF」呢個名，好難search到我嘅文章。所以，建議大家使用我嘅domain name 「@herrfung」 去search，比較容易搵到我嘅文章。
