首先,我一定要強調,你哋平時喺FB瘋傳嗰啲所謂「關公災難」,其實十居其九,係唔關我哋(公關)事嘅。
因為,公關從來都唔會單獨行事嘅。理由好簡單:如果個客唔sign-off,我哋就自把自為做嘢,得失個客都事小,佢唔肯找數邊個孭先?
其次,如果個客sign-off咗,咁我哋都只不過係「執行人」,基本上壇嘢得唔得,定係舐晒嘢,都係個客嘅決定。留意返:《紐倫堡原則四》喺呢個位係唔適用嘅;有咩屌個客好喇,唔關我事。
更何況,你估真係個個客臨post嘢tweet嘢之前,都會問過我哋㗎?你知唔知,呢個世界上,大約99%嘅客都係鍾意自把自為㗎?唔信你問吓當撈侵?!有時候,我會好同情Sarah Huckabee…