星期六上午，木下大宅。
聽日就係澄夏嘅喪禮，今日開始，木下大宅有好多工作人員忙緊做準備。
喺巴黎嘅時候，我哋已經商量好喪禮嘅規模，並且決定由 Doris 全權負責。Doris 係 Marie-Agnès 間 event management 公司嘅 GM，佢一聲號令，全公司立即著手處理呢個 mission impossible。喺我後來做公關嘅日子，要由零開始搞任何 event，最快都要兩個星期；Doris 嘅人只有幾日時間處理成件事。
喪禮分三部分舉行，部分人已經係小鎮教堂佈置，五百朵白玫瑰會喺今日稍後時份運抵教堂。聽日完成彌撒後，澄夏嘅靈柩會由馬車拉返嚟大宅落葬。喪禮第二部分係葬禮，仵工由琴日開始已經喺木下大宅墓園準備。葬禮之後，喺大宅花園同地下大廳將會有個類似 「 解穢酒 」 嘅小型宴會 — 呢部分並唔係意大利傳統，比較似國際慣例。因此 Doris 嘅工作人員亦要佈置樓下大廳，同埋準備食物。
呢一刻，多情喺樓上陪彌生試緊喪服。而我就喺飯廳對住齋藤，兩個男人每人揸住支煙但不發一言。
請移玉步往 Patreon 繼續閱讀；感謝！
《 今天我非常寂寞 》 係溫拿喺 1975 年電影 《 大家樂 》 嘅插曲，黃霑包辦曲詞，鍾鎮濤主唱，收錄係 1977 年嘅 《 多多寶麗多第二集／面懵心精 》 大碟。後來鍾鎮濤喺 1987 年重唱，重新編曲同刪除部分歌詞，成為 《 今天我非常寂寞 1987 》 。嚴格嚟講，呢首歌要到 1987 年翻唱先開始走紅。
今天我滿懷寂寞 今天我滿懷空虛
在我心裏萬千鬱結 孤寂苦苦相追驅不散心頭寂寞 趕不去心內空虛
難理心緒 難解心中結 苦悶似影長隨昔日相聚歡笑 共對無掛無慮
他朝一旦別去 那日再會再聚*空有衷情萬丈 空有關懷千句
無語相看 無聲相對 今日我心裏有淚昔日相聚歡笑 共對無掛無慮
他朝一旦別去 那日再會再聚*
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
