沒有縫紉的 Haute Couture（ 68 ）
一月十六日，no，一月十七日…… 是但啦！總之半夜三更啦！
彌生個傻婆半夜三更 call 我去佢屋企，我著住睡衣飛車去搵佢，仲以為有乜事，點知佢開心到好似中咗獎咁，話我聽佢識咗個識咗好耐嘅男人…… 我問佢識咗好耐又點再識過呀？佢話之前成日見、但冇機會認識喎……
“ Hi，咁啱嘅？溫書呀？ ” 佢就係咁鍾意發呢啲童話夢嘅女人……
佢俾咗嗰男人以前張相我睇，唓！我仲以為係咩靚仔咁巴閉，原來又係啲四平八穩乖仔樣，留咗一把完全唔襯嘅長頭髮。不過相裏面個韓國妹幾靚，佢要溝呢條仔，先要好好招呼呢條女。
睇嚟佢好冧條仔，仲問我，可以點樣 approach 呢個男人，我教佢 sous vide 佢，不過…… 我總係覺得彌生會係俾人 sous vide 嗰個……
點都好啦，佢肯放低 Enzo 個仆街就得！呢個男人都算做咗件好事！
我？少少呷醋總有嘅，不過…… 鬼叫我同佢都鍾意男人咩，算啦……
同日夜晚、星期二凌晨。
我對傳統習俗唔熟，所以唔知澄夏究竟係琴日定係今日頭七。細個嗰陣阿爺啊嫲頭七回魂，老豆老母好早就趕晒我哋入房瞓、佢哋自己都柄埋喺房。我諗如果我喺廳等吓的話，可能會見到回魂返嚟嘅澄夏……
於是，趁多情同彌生都瞓咗，自己一個喺廚房地下擺咗少少祭品，然後飲住酒等佢 — 我當然有預埋佢嗰份。
唔好問我點解澄夏回魂會嚟我屋企，唔關你哋事。
「 澄澄…… 」我對住佢張相自斟自任兼自言自語。「 如果你返咗嚟的話，可唔可以對我現一現身？ 」
下晝寫嗰六個字，trigger 晒我所有對澄夏嘅思念；呢一刻，我腦海充滿佢嘅畫面。我見到我哋第一次喺巴黎單獨外出嘅畫面，我見到我哋喺米蘭野餐嘅畫面，我見到我哋喺 Ams 漫步嘅畫面，我見到我哋喺蒙地卡羅淋雨嘅畫面，我見到我哋喺馬賽舊港海邊嘅畫面，我見到我哋喺 Nice 海灘嘅畫面；我見到我哋呢半年嘅每一點、每一滴……
請移玉步往 Patreon 繼續閱讀；感謝！
《 怎麼捨得你 》 係張學友喺 1997 年推出嘅 《 不老的傳說 》 專輯其中一首受歡迎歌曲，黃國倫作曲、潘源良作詞。 《 怎麼捨得你 》 同時亦係音樂劇 《 雪狼湖 》 當中嘅歌曲。
原本呢篇小說嘅歌曲並唔係 《 怎麼捨得你 》 ，但當我埋首筆耕時，腦海不斷湧現呢首歌嘅音樂同歌詞，仲有音樂劇中胡狼、寧靜雪同寧玉鳳嘅關係同片段，所以順理成章改用呢首歌曲。
紅笑臉 紅裙 紅絲巾
白紙般 坦率 還天真
一對眼 水晶般吸引
流轉的舞步 像浮雲忘記你 但仍然想起
愈想起 更加難入寐
緊抱你 抱緊的只得空氣
明知得不到你 何必再要記起*一絲絲 一點點 燒毀憶記
一幅幅 一聲聲 又復燃起
怎麼捨得你
任由我 腸斷至死
戀一生 差一些 不可一起
祇一心 等一天 日月如飛
卻等不到你
願忘記 又想起你情與愛 是無從更改
未更改 卻因何分開
失去你 才明白未可捨棄
但始終祝福你 寧願我這田地*
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
