沒有縫紉的 Haute Couture（ 69 ）
發現新大陸！第一晚喺蒙地卡羅過夜，個傻佬竟然攬住我瞓咗一晚，但係冇搞我喎！啲仆街就算瞓隔籬房半夜三更都借頭借路入我房啦，佢竟然好溫柔咁攬住我一晚乜都冇做……
喺佢懷內，我感覺好舒服，舒服到好想好好瞓一覺，但又唔捨得咁快瞓著。家姐成日同我講，俾佢攬住係最舒服嘅事情，我諗我開始明白點解。
如果俾我早啲識佢咪好囉！佢哋認識嗰晚，原本我都會去㗎，不過之前一晚同 Angelica 飲大咗頭痛唔想去之嘛…… 早知就去啦，話唔定我識佢在先呢！
不過都係唔好咁貪心，咁樣已經好足夠。我之前嘅經歷…… 我怕我唔可以好好咁愛一個人……
而家咁咪幾開心！係咪？！
搬去澄夏屋企之後一個星期，我除咗返工、同 weekend 返去陪多情同彌生之外，其餘嘅時間，都喺佢屋企詳讀佢嘅日記。
令我稍為覺得意外嘅係，原來澄夏非常鍾意寫日記。雖然佢唔係每日事無大小都寫低，但大部份日子，佢都會記低一啲事情。佢大部分日記都係以英文寫，夾雜少量日文。澄夏嘅日記不斷引證呢個女人粗中帶幼細嘅性格；首先我覺得有趣嘅係，原來佢好鍾意畫公仔。日記部分內容，佢竟然加上插圖記載。佢嘅畫功唔算得上幼細，但就非常可愛。
澄夏並唔係鍾意扮 cute 嘅人，但佢嘅日記就充滿咗佢其實好 cute 嘅證據。喺我、彌生同多情有關嘅篇幅中，佢好多時用一隻伸脷嘅狗仔代表佢家姐、一隻大眼貓代表佢個妹；而我就係一個 bear 頭 — 又一個女人當我係啤……
奇怪嘅係，佢從來冇喺日記叫我雞仔（Chicken Little）。
畫公仔雖然可愛，但澄夏嘅日記並唔太可愛 — 應該係話，佢早年嘅日記，其實係個恐怖故事……
喺蒙地卡羅嘅日子，佢已經大約講咗佢嘅故事我聽；而我從彌生口中知道嘅嘢，亦為佢補完咗整個畫面 — 我以為係。當我以為自己對佢已經相當了解，但原來只不過係 big picture；佢所面對過嘅細節，並非一般人、特別係愛佢嘅人所能承受……
請移玉步往 Patreon 繼續閱讀；感謝！
《 忘盡心中情 》 ，TVB 電視劇 《 蘇乞兒 》 主題曲，葉振棠主唱，1982 年煇黃作品。呢首歌可能係煇黃作品中最好嘅一首。
記得當年馮家兩位老爺，即係我阿爺同我老豆都好鍾意呢首歌。特別係阿爺，佢對粵語流行曲嘅詞嘴嚼得非常細心，當年佢學生鄧偉雄嘅作品就曾經俾佢批評 「 拋錯書包 」 。兩位馮生嘅讚譽令我都有留意呢首歌，只可惜，年輕嘅我一直未能體會歌詞箇中意思。直到接近卅歲，我先知道呢啲就係人生嘅無奈；所謂豁達，只不過係被無奈填滿人生後嘅放棄態度。
冇獎問答比賽：首歌究竟講緊澄夏定講緊我？
忘盡心中情 遺下愛與痴
任笑聲送走舊愁 讓美酒洗清前事
四海家鄉是 何地我懶知
順意趨寸心自如 任腳走尺軀隨遇*難分醉醒 玩世就容易
始終勝負只有天知
披散頭髮獨自行 得失唯我事昨天種種夢 難望再有詩
就與他永久別離 未去想那非和是*未記起 從前名字
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
