承上文,ballroom 外 patio。
「 返荷蘭?! 」 我有啲詫異。「 呢段時間係你起飛嘅時間,你應該好好食住個勢、做多啲 interview、曝光多啲;去咗荷蘭冇人 cover 你喎! 」
「 咁我哋又唔係聽日即走,唔怕喎! 」 佢繑住我 — 比較似落我藥。「 我諗我仲有兩三個星期忙,你雜誌都有 interview 要做,亦有 Prada 同 Miu Miu 嘅硬照要影;但忙完呢三個星期後我就得閒。老實講,我都係時候放吓假喇!我唔要做 gym 住,我要暴食燒鴨同叉燒!同埋玩乳牛! 」
佢唔提起乳牛,我都差唔多完全唔記得 Lisa…… 都好嘅,係時候探吓佢。
「 我而家係大明星嚟㗎!可以放假去玩喇! 」 佢竟然學佢家姐扮 cute — 唧起酒笠扮可愛。「 我哋應該好好哋咁放一陣假,好好哋咁休息吓!( 摸我塊面 )你呀,遲啲同姐姐開始搞生意,到時有排你忙呀!所以更加要趁呢段時間好好休息! 」
秋多情呢個人有個特點,就係從來唔會強加自己意願喺任何人身上( 詐嬌另計 ),因為佢對任何事物都有自己一套睇法,同其他人亦好唔同;佢唔鍾意解釋自己俾人聽。今次佢兜咁大個圈挾我返荷蘭放假,好明顯,佢知道米蘭有啲嘢會令我失控 — 當然係澄夏。亦即係話,彌生估計佢仲未知我精神狀態上出咗問題,其實係低估咗佢 — 佢應該知道咗一段時間。
我哋煲多支煙、傾多一陣就返咗入去。入到 ballroom 時,彌生離遠一見到我哋就微微向我遞手、示意我哋埋去搵佢。
埋到彌生身邊,佢同 Marmiesse、仲有個我用咗成分鐘先分得出係男係女嘅男人一齊傾緊偈。
「 介紹你哋識, 」 彌生完全公關上身。「 呢位係 JP,佢係 Hennes & Mauritz 意大利嘅 Marketing Director! 」
Hennes & Mauritz 亦即係我哋熟悉嘅 H&M。我眼前呢個陣容、我熟悉嘅彌生處事方式,我感覺到多情即將會成為意大利年輕男女熟悉嘅面孔……
請移玉步往 Patreon 繼續閱讀;感謝!
《 原來只要共你活一天 》 係張學友喺 1997 年推出嘅 《 不老的傳說 》 專輯其中一首歌曲,陳少琪包辦曲詞。 《 原來只要共你活一天 》 當然亦係音樂劇 《 雪狼湖 》 當中嘅歌曲。
我相信 和你相識不會是偶然
就像上天施予 造就兩心相遇 我說你是我公主
時光每處每夜每清早我也記住
望夜星的相遇 望日出多歡愉 送上我永遠的關注*原來只要共你活一天
凡塵裏一切可以別掛念
原來海角天際亦會變
原來生過死過深愛亦無變
原來只要共你活一天
完全去把你所有都發現
原來只要相信便看見
原來給你真愛的我是無悔是每一天如果天意 要俗世消失這個故事
就讓大海失意 陸地傷心飄移 放棄每日再開始
如果世界 會尚有真心真意的故事
就在我目光內 滴下淚的當兒告訴你 你已看到一次*
歡迎大家加入我嘅《IF 文章 PUSH》channel:https://t.me/ifpush、同埋 subscribe 我嘅 stories,咁樣大家就可以以最快嘅速度、獲得我嘅文章更新推送;感謝大家嘅支持。大家亦可以喺 Patreon follow 返我: https://www.patreon.com/herrfung