Haute Couture 之後
每年夏天、特別踏入八月，都係我創作嘅 「 緩慢期 」 。
緩慢倒唔係因為我懶或者要放假，係因為我屋企嘅座向同設計 — 德國房屋因為冬長夏短嘅關係，所以大部分設計都係香港人最驟忌嘅 「 西斜 」 ，每間屋有窗嘅部分都盡量向西，以便冬天時可以盡量吸收熱力保暖。否則，冬天嘅保暖燃料費用會好甘。
所謂 「 利水者必不利火 」 ，呢種設計嘅 downside 就係夏天嗰陣，下晝西斜太陽再加上屋內外嘅保暖物料，會令到原本卅度嘅氣溫，喺室內變成四十度以上…… 情況最嚴重嘅日子，例如今日（ 卅一度 ），我整個下晝就要 「 走鬼 」 、搬去太陽照唔到嘅睡房工作。如此一來，無論創作嘅心情同進度都會受影響而拖慢。
所以，希望大家喺呢幾個星期內，睇到比較軟性嘅題材同比較斷嘅篇幅嗰陣，唔好詐型。呢啲純粹人道安排 — 即使大家有課金，但我同大家一樣，都有老母生，亦有能力同承受力極限。
大家，請高抬貴首。
古巨基曾經有首歌，叫 《 忘了時間的鐘 》 ，首歌當然唔係寫呢啲，但我覺得， 《 忘了時間的鐘 》 呢六個字係小說作家、特別係以回憶作題材嘅小說作家寫照。
對我嚟講，每篇小說都有個期限：五日；呢五日時間內，我要完成一集小說創作。五日係 physical 時間、地球人類正常授時單位；但對作者（ 即係我 ）嚟講，每個星期有五日，我都會跨越唔同時空、度過時間比例唔係 1:1 嘅日子 — 五日只係表面上嘅數字；實際上，當開始寫一輯小說嗰陣，其實我係 24x7 都 on and off 咁喺腦海搜索當日嘅點滴、然後再喺 email 海中尋找詳情 — 用 email 記低自己嘅日子係我個人小習慣。
請移玉步往 Patreon 繼續閱讀；感謝！
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
