Дунд түвшний менежер
юу сурвал дээр вэ?
Саяхан манай компаниас (Юнимедиа Солюшнс) нэгэн сургалт явуулав аа. Сургалт нь “Дунд түвшний менежер”-үүдэд зориулсан бөгөөд Ганабелл Институт-с ZOOM-р зохион байгуулсан юм.
За тэгээд доторх материалыг нь задруулж болохгүй ч өөрийн сурсан зүйлсээсээ заримыг нь сийрүүллээ.
1. Эерэг хандлага
Хандлагыг эерэг/өсөх/ болон сөрөг/хэвшмэл/ гэж хуваадаг (obviously). Харин хүн эерэг хандлагатай байвал бүтээмж өндөр байдаг гэнэ. Тэгээд сайн талыг нь эхэлж хардаг, чадна гэж зүтгэдэг юм гэсэн. Тийм учраас эерэг хандлагатай байх, байхгүй бол тэрийгээ ХӨГЖҮҮЛЭХ шаардлагатай.
- Эерэг хандлагыг хөгжүүлэхийн тулд
- Сэтгэлгээгээ өөрчил (Би ЧАДНА гэж итгэх)
- Өөрийгөө хөгжүүлж эрч хүчтэй бай (Хэвшүүлэх)
- Хамгийн сайнаараа хий (give 100%)
- Сайн талыг харахыг хичээ (Сайн/Муу 2улаа бий, гэхдээ 1т Сайн-ыг нь)
- Бүү гомдолло, шалтаг тоочихоо зогсоо (Just stop 😂)
- Талархаж бай (Хадгалаад яах вээ, шууд хэл)
Нээрээ “Үхлийн ирмэг дэх таван харамсал” гэдэг номыг уншаарай гэсэн бас.
2. Манлайлагчийн 5-н дадал
Товчоор бол бусдад нөлөөлж чаддаг, хамт олноороо боломжгүй мэт хэцүү зорилгыг биелүүлэгч хүнийг хэлдэг гэнэ. Бусдыг зоригжуулах, нэгтгэх, чиглүүлэх мөн бусдад үлгэрлэх үүрэгтэй байдаг байна. За тэгээд хамгийн чухал нь хүн өөрөө ДАДЛЫН үр дүн учраас зөв дадлуудыг суулгах нь чухал.
Дадлаа өөрчлөх алтан дүрэм:
Та муу зуршлыг үгүй хийж чадахгүй, харин өөрчилж болно.
- Манлайлагч хүний хувьд
- Үлгэр жишээ үзүүлдэг (Үг, Үйлдэл, Үр дүн)
- Сэдэлжүүлдэг (Урам өгөх, Талархах, Зоригжуулах)
- Санаачилдаг (Асуудлаас шийдлийг хайх, Сониуч)
- Суралцдаг (Байнга унших, Төвлөрөх, Алдаанаасаа суралцах)
- Хариуцлагаа хүлээдэг (Хэлсэндээ хүрэх, Алдаагаа хүлээн зөвшөөрөх)
3. Хэрхэн санаачилгатай ажиллах вэ?
Санаачилга гэдгийг дан ганц шинэ санаа гаргаад зогсохгүй, түүнийгээ хийхийн тулд идэвх зүтгэлтэй оролцох гэж тайлбарлажээ.
Санаачилгатай байхын тулд заавал эерэг хандлагатай байх хэрэгтэй юу?
Санаачилгатай байснаар хувь хүний хувьд тулгарч буй асуудлыг шийдэх, өсөн дэвших боломжтой болдог бол байгууллагын хувьд зардал хэмнэх, бүтээгдэхүүнийг сайжруулах, шинээр инновац гаргах зэрэг давуу талтай.
Санаачлагч хүний хувьд ихэвчлэн сониуч, төсөөлөн бодогч бөгөөд сорилтод дуртай байдаг. Ямар ч хүнд асуудал байсан яаж ийгээд шийдэх хүсэлтэй.
— Яагаад? Яаж хийх үү? Дуустал нь үзнэ ээ.
Тулгарч буй ямар нэг асуудлын шийдлийг ол. Ярилц, төсөөл, холбо…
4. Сэтгэл хөдлөлөө удирдах нь
Хүн өдөрт ~35'000 шийдвэр гаргадаг гэдэг. Гэхдээ бүгдийг нь рациональ буюу сайн бодож тунгааж байж ГАРГАДАГГҮЙ. Ихэнхийг нь далд ухамсар гаргадаг бөгөөд түүнээс гадна шийдвэр гаргалтад сэтгэл хөдлөлийн тархи 24 дахин хурдан ажилладаг #гэнээ. (questionable?)
За тэгээд анх IQ л гэдэг байсан нь сүүлийн үед EQ чухал гэж үздэг болсон. EQ-н хувьд үндсэн 5 үзүүлэлт байдаг гэнэ.
• 1. Өөрийгөө мэдэхүй (насан туршийн үйл явц)
• 2. Өөрийгөө хянахуй (ярих, үйлдэхээсээ өмнө үр дүнг бодох)
• 3. Урамшуулахуй /мотиваци/ (өөрийгөө болон бусдыг урамшуулах)
• 4. Бусдыг ойлгохуй (бусдын оронд өөрийгөө тавих)
• 5. Бусдад нөлөөлөхүй (нөлөөлөх, хамтрах, манлайлах)
EQ бол сурах, дасгалжуулах боломжтой тул өөрийгөө ажиглаж, хүлээн зөвшөөрч, хариуцлага хүлээж мөн хамгийн чухал нь өөрчлөх хүсэлтэй байх хэрэгтэй.
5. Өндөр гүйцэтгэлтэй баг
Багаар ажиллах шаардлагатай + ашигтай учраас л бид баг болдог. Гэхдээ энэ нь өөрөө тийм ч амар зүйл биш. Багт өөр өөр үүрэгтэй олон хүмүүс нэгдэж 1 зорилгын төлөө хамтардаг. Тэдгээр нь дараах 8…
Баг анх үүсээд л шууд төгс болчихдоггүй. Тиймээс эхлээд зөрчилдөж түүнийгээ даван туулж, цаашлаад ӨНДӨР гүйцэтгэлтэй баг болдог. Сайн баг болохын тулд хэрхэн идэвхтэй харилцах, яаж хамтарч ажиллах болон уулзалтыг яаж үр дүнтэй байлгах гэсэн 3-н дүрмийг баримтлах шаардлагатай.
Магадгүй хамгийн чухал 1 зүйл нь тухайн хүнийг биш үйлдлийг/санааг шүүмжилж сурах байдаг.
6. Харилцааны ур чадвар
Харилцаа гэдэг нь зөвхөн мэдээлэл солилцох биш харилцан нөлөөлөх, үзэл бодол, итгэл үнэмшил, хандлагаа солилцох үйл явцыг багтаадаг. Сул харилцаа нь муу үр дүнг л авчирдаг. Харин харилцааны үндэс нь ХАНДЛАГА байдаг.
1р бүлгийг санаж байгаа биздээ?
ХАМТ арга:
- Хүндэтгэж харьц, хүлээн зөвшөөр (ЭХЛЭЭД хүндэл)
- Анхааралтай сонс, эргэх холбоо үүсгэ (сайн ярилцагч СОНСДОГ)
- Маргахын оронд ойлгохыг хичээ (Хүлээцтэй байж БУСДЫН хүслийг ойлго)
- Талархаж бай (Өгөхийн хамгийн дээд хэлбэр)
За тэгээд бүх л хүмүүстэй ХАМТ аргаар харилцаж, сайн харилцаа үүсгэхийг хичээгээрэй гэсэн байсан. Мөн 1 сонирхолтой ишлэлийг дурдахад
“Ихэнх хүмүүс өөртөө итгүүлсэн учраас л аз жаргалтай байдаг” ~Линкольн
7. Стрессээ удирдах чадвар
Стресстдэггүй хүн гэж байхгүй байх. Харин стресс нь ихэдвэл эрүүл мэндэд маш муу нөлөөтэй. (үе мөч, жин, арьс, дархлаа г.м…) Цаашлаад стрессээс болж БУРУУ шийдвэр гаргаж, БУРУУ зуршилд автаж, БУРУУ харилцаа үүсгэж эргэн тойрондоо БУРУУ сэтгэгдэл төрүүлдэг.
- Боломжтой бол өөрийгөө стресстэх нөхцөлөөс хол байлгах хэрэгтэй.
- Мэдээж 100% чадахгүй учир тухайн нөхцөлд орсон ч аар саархан юманд стресстэхгүй өөрийгөө тайвшруулах нь чухал.
- Түүний дараа нэгэнт стресстсэн бол түүнийгээ хуримтлуулаад байхгүй зөв аргаар гаргачихвал болоо.
Бас бусдаас уучлал гуйж, бусдыг болон өөрийгөө уучилж сураарай.
9. Бүтээмжтэй ажиллах нь
Хамгийн бага зардлаар, хамгийн өндөр үр дүн гаргахын БҮТЭЭМЖ гэнэ. Хүн болгоны бүтээмж ижил биш ч, ижил 1 аргаар сайжруулах боломжтой.
Бүтээмжтэй ажиллахын тулд дээрх 3 зарчмын дагуу ажлаа хийхэд болно гэж байна лээ. Бас нэг сонирхолтой зүйл нь хүний хийж буй ажил нь ур чадвар шаардахгүй бол УЙДДАГ, нөгөө талаасаа ур чадвар нь хүрэхгүй тийм хүнд сорилт байвал ГУТАРДАГ гэсэн. Тиймээс энэ хоёрыг нь баланс-лж барьсан тийм ажлыг хүнд даалгавал өндөр бүтээмжтэй байх боломжтой.
10. Бүтээлч сэтгэлгээний SCAMPER арга
Асуудлыг шийдвэрлэхийн тулд бүтээлчээр хандах хэрэгцээ гардаг. Түүний нэг жишээ болох SCAMPER аргыг бид байнга хэрэглэж байдаг.
- S→солих/орлуулах: Нүдний шил = Линз
- C→хослуулах: Камер, Утас, Интернет = Гар утас
- A→дасан зохицох: Машин = Тесла WI-FI
- M→өөрчлөх: Shampoo = 1 удаагийн савлагаа
- P→өөр зорилгоор: Виагра нь анх цусны даралтыг багасгахад зориулагдсан
- E→хасах: Ресторан = Өөртөө үйлчлэх (Hot Pot?)
- R→бүтцийн өөрчлөлт: Хоолоо идээд төлөх биш = Fast Food эхлээд төлөх
Ажил дээрээ ямар нэг асуудлыг шийдэхийн тулд дээрх аргыг ашигласнаар магадгүй шилдэг санааг гаргаж ирэх боломжтой.
Хичээлийн хувьд 7 хоног бүр ZOOM-р явагдсан бөгөөд 1 сул тал нь VIDEO өгөхгүй амьд харилцаа бага, нөгөө талаас хичээлийн 1.5 цагт дийлэнх нь PPT ярьж байсан нь хангалтгүй санагдсан. Магадгүй дасгал ажлын цаг нь илүү их байх хэрэгтэй байсан болов уу. PPT ч бас сайжруулалт хэрэгтэй л санагдсан. За тэр ч яахав. Ямартай ч 10 хичээлийн дүнд шинээр хэд хэдэн зүйлсийг сурч, өөрийгөө таньж авлаа. Баярлалаа UMS & Ganabell.
